Elm və Təhsil Nazirliyinin tərəfdaşlığı ilə müəllimlər üçün təlim keçiriləcək

“Məktəbəqədər təhsil: Keyfiyyətli başlanğıc, dayanıqlı inkişaf” mövzusunda tədbir baş tutacaq. 

Direktor.az xəbər verir ki, görüş Elm və Təhsil Nazirliyi, Elm və Təhsil İşçiləri Həmkarlar İttifaqı, Məktəbəqədər və Ümumi Təhsil üzrə Dövlət Agentliyi, həmçinin Təhsildə Keyfiyyət Təminatı Agentliyinin tərəfdaşlığı, Azərbaycan Gənc Müəllimlər Assosiasiyasının təşkilatçılığı, “Azərbaycan müəllimi” qəzeti və Təhsil TV-nin media dəstəyi ilə təşkil olunacaq. 

Tədbirin əsas məqsədi məktəbəqədər təhsil pilləsində keyfiyyətin artırılması, uşaqların inkişafına təkan verən müasir yanaşmaların tətbiqi, səmərəli təlim mühitinin formalaşdırılması və sahənin dayanıqlı inkişafı ilə bağlı aktual məsələlərin müzakirəsidir. 

Proqram məktəbəqədər təhsil müəssisələrinin tərbiyəçi-müəllimləri, məktəbəhazırlıq qruplarında dərs deyən ibtidai sinif müəllimləri və icma əsaslı məktəbəqədər təhsil müəssisələrində fəaliyyət göstərən mütəxəssislər üçün nəzərdə tutulub. 

Tarix: 3 oktyabr 

Saat: 10:00 

Məkan: Azərbaycan Dövlət Neft və Sənaye Universiteti (əsas korpus) 

İştirak etmək istəyən pedaqoqlar onlayn qeydiyyat formasını (https://forms.gle/Afipq6YkS3LUKS268) dolduraraq tədbirə qoşula bilərlər.