Məktəb direktorları ilə Keyfiyyət Fəaliyyət Planına dair görüşlər keçirilib

Dağlıq Şirvan Regional Təhsil İdarəsində 2026–2027-ci tədris ili üzrə Keyfiyyət Fəaliyyət Planının icrası ilə bağlı Ağsu və Qobustan rayonlarının ümumtəhsil müəssisələrinin direktorları ilə görüşlər keçirilib.

Direktor.az xəbər verir ki, görüşlərdə monitorinq və buraxılış imtahanlarının nəticələrinin təhlili, risk qruplarının müəyyənləşdirilməsi, Məktəb İnkişaf Planlarının hazırlanması, müəllimlərə metodiki dəstəyin göstərilməsi və zəif nəticə göstərən şagirdlərlə işin təşkili məsələləri müzakirə olunub.

Eyni zamanda, şagird davamiyyətinə nəzarət, valideynlərlə əməkdaşlıq, əlavə akademik dəstək tədbirlərinin həyata keçirilməsi və fəaliyyətlərin icrasına dair hesabatlılığın təmin edilməsi ilə bağlı müvafiq tövsiyələr verilib. Görüşlərdə Keyfiyyət Fəaliyyət Planının məqsədyönlü icrasının, tədris nəticələrinin mütəmadi təhlilinin və görülən tədbirlərin səmərəliliyinin qiymətləndirilməsinin şagird nailiyyətlərinin yüksəldilməsində mühüm əhəmiyyət daşıdığı vurğulanıb.