Gəncə-Daşkəsən RTİ-nin məktəblərində “Uşaq hüquqları aylığı”na start verilib

20 oktyabr – 20 noyabr tarixlərini əhatə edən “Uşaq hüquqları aylığı” çərçivəsində Gəncə-Daşkəsən Regional Təhsil İdarəsinin tabeliyindəki ümumi təhsil müəssisələrində uşaq hüquqlarının təbliği və müdafiəsi, şagirdlərin hüquqi maarifləndirilməsi istiqamətində silsilə tədbirlərin keçirilməsi nəzərdə tutulur.

Direktor.az xəbər verir ki, aylığın əsas məqsədi uşaqların hüquqları barədə məlumatlılığın artırılması, onların hüquq və azadlıqlarının qorunmasının təşviqi, eləcə də cəmiyyətdə uşaqlara diqqət və qayğının gücləndirilməsidir. Aylıq çərçivəsində şagirdlərin uşaq hüquqları ilə bağlı biliklərinin artırılması, hüquqi düşüncə və məsuliyyət hissinin formalaşdırılması, hər bir uşağın hüquqlarına hörmətlə yanaşılmasının təşviqi məqsədilə maarifləndirici tədbirlərin təşkili nəzərdə tutulub.