İdman Akademiyası ilə Kembric Univerviteti tərəfdaşlıq edir

Azərbaycan İdman Akademiyası Kembric Universiteti ilə əməkdaşlığı genişləndirir

Azərbaycan İdman Akademiyasının (ASA) rektoru Fuad Hacıyev Kembric Universitetinin təhsil ekspertləri Ceyms Bidl və Dr. Reyçel Cefferson ilə görüş keçirib. 

Görüşdə rektor qeyd edib ki, Kembric Universiteti ilə qurulan tərəfdaşlıq akademik heyətin peşəkar vərdişlərinin təkmilləşdirilməsinə, eləcə də müasir tədris metodlarının mənimsənilməsinə və tətbiqinə böyük imkanlar yaradır. Azərbaycanın mötəbər beynəlxalq idman yarışlarına ev sahibliyi etməsi və Akademiyanı bitirən məzunların xarici əmək bazarında rəqabətqabiliyyətli kadr kimi çıxış etməsi bu əlaqələrin strateji önəmini daha da artırır. 

Kembric Universitetinin nümayəndələri öz növbəsində birgə əməkdaşlığı yüksək dəyərləndirərək göstərilən diqqət və dəvətə görə ASA rəhbərliyinə minnatdarlıqlarını bildiriblər. 

Danışıqların sonunda təhsil sistemindəki islahatları və yenilikləri uğurla davam etdirmək məqsədilə iki ali təhsil müəssisəsi arasında tərəfdaşlığın gələcəkdə də sürətləndirilməsi qərara alınıb.