Magistraturaya qəbul olan 195 nəfər dövlət hesabına təhsil alacaq
Ali məktəblərdə tələbələrin sosial müdafiəsi və dövlət hesabına təhsil imkanları ilə bağlı ən son statistik göstəriciləri, qəbul qaydalarını və tələbə qərarlarını izləmək üçün direktor.az-a abunə olun. Təhsil idarəçiliyi siyasəti, tələbə qəbulu mexanizmləri və ölkəmizin maarif sistemində həyata keçirilən rəsmi yeniliklərdən xəbərdar olmaq üçün bizi izləməyə davam edin.
2026/2027-ci tədris ili üçün ali təhsil müəssisələrinin magistratura səviyyəsinə qəbul olmaq üçün keçirilmiş müsabiqənin nəticələrinə əsasən müəyyən sayda dövlət sifarişli yerlər istifadə edilməmiş qalıb.
Direktor.az xəbər verir ki, bu barədə DİM-dən bildirilib. Müvafiq ixtisaslara ödənişli əsaslarla qəbul olunmuş bakalavrlar arasında onların topladıqları ballara əsasən boş qalan dövlət sifarişli yerlərə əlavə müsabiqə keçirilib.
Əlavə müsabiqənin nəticələrinə əsasən magistraturaya qəbul üzrə 195 tələbə ödənişsiz təhsil almaq hüququ əldə etmişdir. Həmin tələbələrin siyahısı müvafiq tədbir görülməsi üçün ali təhsil müəssisələrinə göndərilib. Bundan əlavə, həmin tələbələrin “Şəxsi kabinet” lərində qeyd olunmuş mobil telefon nömrələrinə də bu haqda məlumat göndərilib.
Bu mövzu ilə bağlı audio və video izahları, PDF-ləri və testləri əldə etmək istəyirsinizsə abunə ol bölməsinə keçin