MDU tələbəsi kikboksinq üzrə Dünya Kubokunun qalibi olub
Tələbələrin beynəlxalq arenadakı nailiyyətləri, universitetlərimizin fəaliyyətini izləmək üçün direktor.az-a abunə olun. Təhsil ocaqlarımızın qürurverici uğurları, gənclərin inkişafı və ölkəmizin maarif sistemindəki yeniliklərdən xəbərdar olmaq üçün bizi izləyin.
Mingəçevir Dövlət Universitetinin “Sosial iş” ixtisasının II kurs tələbəsi Nazpəri Cabbarova Özbəkistanın paytaxtı Daşkənd şəhərində keçirilən kikboksinq üzrə Dünya Kubokunda gənclər arasında 48 kq çəki dərəcəsində I yerə layiq görülərək qızıl medal qazanıb.
Direktor.az xəbər verir ki, bu barədə universitetdən bildirilib. 2026-cı ilin 13–18 oktyabr tarixlərində Ümumdünya Kikboksinq Təşkilatları Assosiasiyasının (WAKO) himayəsi və Özbəkistan Kikboksinq Assosiasiyasının təşkilatçılığı ilə keçirilən “Uzbekistan Kickboxing World Cup 2026” beynəlxalq turniri dünyanın müxtəlif ölkələrindən idmançıları bir araya gətirib. 48-dən çox ölkədən 2530-dan artıq idmançı və rəsmi nümayəndənin qatıldığı bu nüfuzlu yarış beynəlxalq kikboksinq təqviminin mühüm idman hadisələrindən biri olub.
Gənclər arasında keçirilən mübarizədə yüksək əzmkarlıq və peşəkar hazırlıq nümayiş etdirən Nazpəri Cabbarovanın qazandığı qələbə həm Azərbaycan idmanı, həm də Mingəçevir Dövlət Universiteti üçün qürurverici nailiyyətdir.
Qeyd edək ki, Nazpəri Cabbarova ölkə səviyyəsində də mühüm idman uğuruna sahibdir. O, kikboksinq üzrə qadınlar arasında keçirilən Azərbaycan birinciliyində 48 kq çəki dərəcəsində I yeri tutaraq ölkə çempionu adını qazanıb. Bu nailiyyət onun beynəlxalq arenada əldə etdiyi uğurun təsadüfi olmadığını, davamlı məşq və gərgin zəhmətin nəticəsi olduğunu bir daha təsdiqləyir.
Bu mövzu ilə bağlı audio və video izahları, PDF-ləri və testləri əldə etmək istəyirsinizsə abunə ol bölməsinə keçin