Məktəblilərimiz Rumıniyada qızıl və gümüş medallar qazanıblar

Məktəblilərimiz Rumıniyada təşkil olunan “Stars of Informatics” virtual proqramlaşdırma müsabiqəsində 2 qızıl və 2 gümüş medal qazanıblar.

Direktor.az xəbər verir ki, bu barədə Azərbaycan Respublikasının Təhsil İnstitutundan bildirilib. Oktyabrın 16-19-da keçirilən müsabiqədə 23 ölkədən 120 nəfər iştirak edib.

Qızıl medal:

- Vaqif Abdullayev – Göyçay şəhər 3 nömrəli tam orta məktəbin 10-cu sinif şagirdi

- Tuncay Paşayev – Bakı şəhər fizika, riyaziyyat və informatika təmayüllü liseyin 10-cu sinif şagirdi

Gümüş medal:

- Mahmud İsalı – Bakı şəhər kimya, biologiya təmayüllü liseyin 10-cu sinif şagirdi

- Həsən Süleymanov – “Gənc istedadlar” liseyinin 8-ci sinif şagirdi

Qeyd edək ki, informatika fənni üzrə beynəlxalq olimpiadalara hazırlıq prosesi “Azercell Telecom” şirkətinin dəstəyi ilə həyata keçirilir.