Məktəblilər “Əlaçı” verilişində iştirak üçün yarışıblar
İstedadlı gəncləri üzə çıxaran intellektual layihələri və təhsil sahəsindəki bütün rəsmi elanları izləmək üçün direktor.az-a abunə olun. Müsabiqə nəticələrini, çəkiliş mərhələlərini və ölkə təhsil gündəmindəki vacib inkişafları vaxtında öyrənmək üçün bildirişləri aktiv edin.
Əlaçı” intellektual layihəsinin yeni mövsümü üzrə seçim turları baş tutub.
Direktor.az xəbər verir ki, bu barədə Məktəbəqədər və Ümumi Təhsil üzrə Dövlət Agentliyi (MÜTDA) məlumat yayıb.
Məktəblilərin intellektual inkişafını hədəfləyən “Əlaçı” televiziya layihəsinin yeni mövsümünə hazırlıq çərçivəsində genişmiqyaslı seçim mərhələsi reallaşdırılıb. Sentyabrın 12-də təşkil olunan bilik yarışında ölkənin müxtəlif bölgələrində yerləşən ümumi təhsil ocaqlarının 10 və 11-ci sinif şagirdləri biliklərini sınayıblar.
Respublika üzrə 12 şəhəri — Bakı, Sumqayıt, Gəncə, Mingəçevir, Şəki, Bərdə, Şəmkir, Quba, Şamaxı, Salyan, Sabirabad və Lənkəranı əhatə edən sınaqlara ümumilikdə 4 minə yaxın yuxarı sinif şagirdi qatılıb.
Seçim imtahanlarının yekun nəticələrinə əsasən, hər iki yaş qrupu üzrə ən yüksək bal toplayan 144 şagird layihənin növbəti mərhələsinə vəsiqə qazanıb. Həmin iştirakçılar sentyabr və oktyabr aylarında İctimai Televiziyanın efirində yayımlanacaq çəkilişlərdə yarışmaq imkanı əldə edəcəklər.
Layihənin əsas məqsədi geniş dünyagörüşünə və yüksək intellektə malik istedadlı gəncləri aşkara çıxarmaq, məktəblilər arasında elmə və intellektual yarışlara marağı artırmaq, eləcə də onların asudə vaxtlarının səmərəli təşkilinə dəstək olmaqdır.
Bu mövzu ilə bağlı audio və video izahları, PDF-ləri və testləri əldə etmək istəyirsinizsə abunə ol bölməsinə keçin