Metodiki Şuranın fəaliyyətinin hüquqi və normativ əsasları III məqalə. Situasiyalı testlər

Təhsil qanunvericiliyi ilə əlaqəsi. Məktəbdə metodik işin səmərəli təşkili yalnız müəllimlərin fəallığından və rəhbərliyin təşəbbüsündən deyil, bu fəaliyyətin düzgün hüquqi əsas üzərində qurulmasından asılıdır. Buna görə Metodik Şuranın fəaliyyətini planlaşdırmazdan əvvəl onun qanunvericilikdəki statusunu, məktəbdaxili idarəetmədəki yerini və səlahiyyət sərhədlərini aydınlaşdırmaq lazımdır. Metodik Şuranın birbaşa hüquqi dayağı “Ümumi təhsil haqqında” Azərbaycan Respublikasının Qanununda müəyyən edilib. Qanunun 1.0.28-ci maddəsinə görə metodik şura ümumi təhsil müəssisəsində metodik xidmətin təşkili və həyata keçirilməsini təmin edən qurumdur. Bu hüquqi tərif Şuranın əsas fəaliyyət istiqamətinin məktəbdə metodik işi əlaqələndirmək, müəllimlərin peşəkar inkişafına dəstək vermək və tədrisin keyfiyyətinin yüksəldilməsinə xidmət etmək olduğunu göstərir. Lakin metodik şura anlayışının qanunda təsbit edilməsi onun bütün məktəblərdə eyni tərkib, eyni struktur və eyni fəaliyyət modeli ilə məcburi yaradılması demək deyil.