Ötən ay BŞTİ-nə 20 minə yaxın müraciət daxil olub
Bakı Şəhəri üzrə Təhsil İdarəsinə daxil olan vətəndaş müraciətlərinin statistikası, şagird yerdəyişməsi, bağçalara qəbul və müəllimlərin əmək müqavilələri ilə bağlı xəbərlər üçün direktor.az-a abunə olun. Təhsil idarəçiliyi, regional idarələrin rəsmi fəaliyyət hesabatlarından xəbərdar olmaq üçün bizi izləyin.
Sentyabr ayı ərzində Bakı Şəhəri üzrə Təhsil İdarəsinə 19 897 müraciət daxil olub.
Direktor.az xəbər verir ki, bu barədə idarədən bildirilib. Statistikaya əsasən, Çağrı Mərkəzinə (146-1 nömrəli) 6 937 zəng daxil olub. Vətəndaşların Qəbulu Mərkəzinə 7093 müraciət daxil olub.
BŞTİ-yə 4984 sənəd (vətəndaşlar tərəfindən 1629 ərizə, Elm və Təhsil Nazirliyindən 1683, digər qurumlardan 370, tabelikdə olan təhsil müəssisələrindən 973 məktub və 329 kadr ərizəsi) daxil olub və qeydiyyata alınıb. Həmçinin 883 elektron müraciətə baxılıb.
Daxil olan müraciətlər müxtəlif məsələlərin tənzimlənmə qaydalarının öyrənilməsi, şagird yerdəyişməsi, məktəbəqədər təhsil müəssisələrinə qəbul, müəllimlərin əmək müqaviləsinin müddətinin uzadılması, işə qəbul və digər məsələləri əhatə edir. Müraciətlərin əksəriyyəti cavablandırılıb və həll olunub.
Bu mövzu ilə bağlı audio və video izahları, PDF-ləri və testləri əldə etmək istəyirsinizsə abunə ol bölməsinə keçin