Paytaxt məktəbliləri XII Bakı Beynəlxalq Kitab Sərgisində
Şagirdlərin kitab sərgilərində iştirakını, məktəb layihələrini və tədris prosesindəki innovativ addımları izləmək üçün direktor.az-a abunə olun. Ümumi təhsil siyasəti, məktəb ekosistemi və ölkəmizin maarif sistemindən xəbərdar olmaq üçün bizi izləyin.
Paytaxt məktəbliləri XII Bakı Beynəlxalq Kitab Sərgisində iştirak ediblər.Sərgidə məktəblilər ustad dərsləri, inklüzivlik və digər aktual mövzular üzrə kitab təqdimatlarını izləyib, stendlərə baxış keçirib, Azərbaycan yazıçıları və şairləri, eləcə də xarici ölkələrin yazarları və elm adamları ilə görüşüblər.
Direktor.az xəbər verir ki, bu barədə Bakı Şəhəri üzrə Təhsil İdarəsindən bildirilib.
“Həyat ekrandan böyükdür: bir uşaq, bir kitab, bir gerçək dünya” mövzusuna həsr olunmuş sərgi çərçivəsində keçirilən tədbirlər, konfranslar, müsabiqələr, imza günləri, qiraət və musiqi saatları şagirdlərdə xoş təəssürat yaradıb.
Qeyd edək ki, Bakı Beynəlxalq Kitab Sərgisi uşaq, yeniyetmə və gənclər arasında mütaliə mədəniyyəti və oxu vərdişinin inkişafı, kitaba marağın artırılması, eləcə də yerli və xarici ədəbi mühitlər arasında əlaqələrin möhkəmləndirilməsi, kitab sənayesi sahəsində əməkdaşlığın inkişafı üçün mühüm platforma rolunu oynayır.
Bu mövzu ilə bağlı audio və video izahları, PDF-ləri və testləri əldə etmək istəyirsinizsə abunə ol bölməsinə keçin
