Riyaziyyat  Fənn  Aylığı haqqında Əsasnamə PDF

                             Riyaziyyat  Fənn  Aylığı haqqında Əsasnamə

(____________________________________ məktəbin Pedaqoji Şurasının “” ______________ 20-ci il tarixli ____ nömrəli iclasının ____ nömrəli qərarı ilə qəbul edilmiş və məktəb direktorunun “” ______________ 20-ci il tarixli ____ nömrəli əmri ilə təsdiq edilmişdir.)

  1. Ümumi müddəalar

1.1. Bu Əsasnamə ümumi təhsil müəssisəsində keçirilən Riyaziyyat fənn aylığının hüquqi statusunu, təşkilati əsaslarını, tətbiq dairəsini və həyata keçirilməsinin ümumi qaydalarını müəyyən edən daxili normativ sənəddir.

1.2. Riyaziyyat fənn aylığı məktəbdə riyaziyyatın tədris keyfiyyətinin yüksəldilməsi, şagirdlərdə fənnə marağın artırılması, onların riyazi düşünmə, problem həll etmə və praktik tətbiq bacarıqlarının inkişafının dəstəklənməsi, habelə müəllimlərin metodik fəaliyyətinin və peşəkar əməkdaşlığının gücləndirilməsi məqsədilə aprel ayı ərzində təşkil olunan planlı və nəticəyönümlü məktəbdaxili təşkilati-pedaqoji fəaliyyət formasıdır.

1.3. Bu Əsasnamənin tələbləri məktəb rəhbərliyi, təlim-tərbiyə işləri üzrə direktor müavini, riyaziyyat müəllimləri, fənn metodbirləşməsi, aylığın təşkili və icrasına cəlb olunan digər pedaqoji işçilər, eləcə də aylıq çərçivəsində keçirilən müvafiq fəaliyyətlərdə iştirak edən şagirdlər üçün rəhbər tutulur.

1.4. Riyaziyyat fənn aylığı məktəbin illik fəaliyyət planına, fənn metodbirləşməsinin iş planına, məktəbin Pedaqoji Şurasının müvafiq qərarına, məktəb direktorunun əmrinə, təsdiq edilmiş tədbirlər planına və bu Əsasnaməyə uyğun olaraq təşkil edilir və həyata keçirilir.

1.5. Riyaziyyat fənn aylığı ümumi təhsil üzrə dövlət standartlarını, riyaziyyat fənni üzrə kurikulum tələblərini, məktəbdaxili qiymətləndirmə qaydalarını və tədris prosesinin mövcud təşkilati qaydalarını əvəz etmir; həmin tələblərin daha səmərəli həyata keçirilməsinə xidmət edən təşkilati-pedaqoji fəaliyyət forması kimi tətbiq olunur.

1.6. Riyaziyyat fənn aylığı çərçivəsində keçirilən fəaliyyətlər şagirdlərin yaş və hazırlıq səviyyəsi, təhlükəsizlik tələbləri, etik davranış normaları, inklüziv yanaşma, bərabər iştirak imkanları və məktəbin real təşkilati-resurs şəraiti nəzərə alınmaqla planlaşdırılır və icra olunur.

1.7. Bu Əsasnamə Riyaziyyat fənn aylığının təşkili və keçirilməsi ilə bağlı məktəb direktorunun əmri, tədbirlər planı, zərurət olduqda təşkilat komitəsinin tərkibi, monitorinq və qiymətləndirmə materialları, sorğu və müşahidə formaları, ayrıca tədbirlər üzrə şərt və meyarlar, iştirak sənədləri, yekun arayış və aylıq hesabat daxil olmaqla aidiyyəti təşkilati sənədlərin hazırlanması üçün əsas normativ baza rolunu oynayır.

2. Riyaziyyat  Fənn  aylığının normativ-hüquqi, təşkilati və metodik əsasları

2.1. Riyaziyyat fənn aylığı Azərbaycan Respublikasının təhsil sahəsində qüvvədə olan normativ-hüquqi sənədlərinə, ümumi təhsil üzrə dövlət tələblərinə, məktəbdaxili idarəetmə sənədlərinə və metodik fəaliyyətin təşkili ilə bağlı tələblərə uyğun olaraq planlaşdırılır və həyata keçirilir.

2.2. Riyaziyyat fənn aylığının normativ-hüquqi əsaslarını aşağıdakılar təşkil edir:

2.2.1. Azərbaycan Respublikası Konstitusiyasının təhsil hüququnun təmin edilməsi ilə bağlı müddəaları;

2.2.2. “Təhsil haqqında” Azərbaycan Respublikasının Qanunu;

2.2.3. “Ümumi təhsil haqqında” Azərbaycan Respublikasının Qanunu;

2.2.4. Azərbaycan Respublikasında ümumi təhsil üzrə dövlət standartları və proqramları, o cümlədən Milli Kurikulum və “Riyaziyyat” fənni üzrə müvafiq təlim nəticələri;

2.2.5. ümumi təhsil sistemində qiymətləndirmə, monitorinq, şagird nailiyyətlərinin izlənilməsi və attestasiyanın təşkili ilə bağlı qüvvədə olan konseptual və normativ sənədlər;

2.2.6. dövlət və bələdiyyə tərəfindən yaradılan ümumi təhsil müəssisəsi üçün müəyyən edilmiş nizamnamə tələbləri və məktəbin nizamnaməsi;

2.2.7. ümumi təhsil müəssisələrində keyfiyyətin qiymətləndirilməsi, özünüqiymətləndirmə, tədris prosesinin izlənilməsi və inkişaf planlaması ilə bağlı aidiyyəti sənədlər.

2.3. Riyaziyyat fənn aylığının məktəbdaxili təşkilati əsaslarını aşağıdakılar təşkil edir:

2.3.1. məktəbin Pedaqoji Şurasının Riyaziyyat fənn aylığının təşkili və keçirilməsi ilə bağlı müvafiq qərarı;

2.3.2. məktəb direktorunun Riyaziyyat fənn aylığının keçirilməsi haqqında əmri;

2.3.3. məktəbin illik fəaliyyət planı;

2.3.4. fənn metodbirləşməsinin iş planı;

2.3.5. Riyaziyyat fənn aylığı üzrə təsdiq edilmiş tədbirlər planı;

2.3.6. zərurət olduqda aylığın təşkili və icrası ilə bağlı hazırlanmış digər məktəbdaxili sənədlər, o cümlədən təşkilat komitəsinin tərkibi, qiymətləndirmə meyarları, monitorinq materialları, sorğu formaları, yekun arayış və hesabat sənədləri.

2.4. Riyaziyyat fənn aylığının metodik və keyfiyyət təminatı əsaslarını aşağıdakılar təşkil edir:

2.4.1. məktəbəsaslı metodik xidmətin təşkili və fənn metodbirləşməsinin fəaliyyət istiqamətləri;

2.4.2. müəllimlərin peşəkar əməkdaşlığını, təcrübə mübadiləsini və qabaqcıl iş təcrübəsinin öyrənilməsi və yayılmasını təmin edən metodik iş formaları;

2.4.3. açıq dərslərin, sinifdənkənar tədbirlərin, monitorinqlərin, test yoxlamalarının, yazı işlərinin, bilik yarışlarının, sorğuların və digər fəaliyyətlərin təşkili, müşahidəsi, təhlili və ümumiləşdirilməsi ilə bağlı metodik yanaşmalar;

2.4.4. şagird nailiyyətlərinin, iştirak səviyyəsinin, fəallığın, maraq göstəricilərinin və digər nəticələrin təhlili əsasında planlaşdırma və qərarvermə mexanizmləri;

2.4.5. məktəbdə keyfiyyətin təminatı, özünüqiymətləndirmə, tədris prosesinin izlənilməsi və nəticələrin inkişaf planlamasında istifadəsi ilə bağlı daxili mexanizmlər;

2.4.6. “Riyaziyyat” fənni üzrə təlim nəticələrinin tədris və sinifdənkənar fəaliyyətlərlə əlaqələndirilməsi, şagirdlərin yaş və hazırlıq səviyyəsinə uyğun diferensial yanaşmanın tətbiqi.

2.5. Riyaziyyat fənn aylığının planlaşdırılması və həyata keçirilməsi zamanı aşağıdakı prinsiplər rəhbər tutulur:

2.5.1. hüquqi uyğunluq;

2.5.2. pedaqoji məqsədəuyğunluq;

2.5.3. şagirdyönümlülük;

2.5.4. inklüziv yanaşma və bərabər iştirak imkanlarının təmin edilməsi;

2.5.5. təhlükəsizlik, etik davranış və psixoloji rahatlıq normalarına riayət olunması;

2.5.6. dəlilə, nəticəyə və məlumatlara əsaslanma;

2.5.7. fəaliyyətlərin şagird öyrənməsinə, riyazi düşünməyə və praktik bacarıqların inkişafına real təsirinin nəzərə alınması;

2.5.8. məktəbin spesifik kontekstinin, şagird kontingentinin və resurs imkanlarının nəzərə alınması;

2.5.9. təhlil, rəy, monitorinq nəticələri və inkişaf ehtiyacları əsasında davamlı təkmilləşmə;

2.5.10. planlılıq, şəffaflıq, məsuliyyət bölgüsü və nəticələrin sənədləşdirilməsi.

3. Riyaziyyat  Fənn  aylığının məqsədi

  Riyaziyyat fənn aylığının əsas məqsədi məktəbdə riyaziyyat təliminin keyfiyyətinin yüksəldilməsi, şagirdlərdə bu fənnə davamlı marağın formalaşdırılması, onların riyazi savadlılıq, məntiqi düşünmə, problem həll etmə və real həyatla əlaqələndirmə bacarıqlarının inkişafının dəstəklənməsi, habelə riyaziyyatın tədrisi və öyrənilməsi üzrə inkişafyönlü mühitin gücləndirilməsidir.

4. Riyaziyyat  Fənn  aylığının vəzifələri

4.1. Riyaziyyat fənn aylığının vəzifələri aşağıdakılardır:

4.1.1. şagirdlərdə riyaziyyat fənninə marağın artırılması və onların fənn üzrə fəal iştirakının təşviq edilməsi;

4.1.2. şagirdlərin təhsil səviyyələrinə uyğun olaraq “Riyaziyyat” fənni üzrə müəyyən edilmiş təlim nəticələrinin inkişafının dəstəklənməsi;

4.1.3. şagirdlərdə riyazi savadlılıq, məntiqi düşünmə, təhlil, müqayisə, ümumiləşdirmə, problem həll etmə, əsaslandırma və riyazi təqdimetmə bacarıqlarının gücləndirilməsi;

4.1.4. riyaziyyatın gündəlik həyat, texnologiya, maliyyə savadlılığı, statistika və digər praktik sahələrlə əlaqəsinin göstərilməsi;

4.1.5. müxtəlif hazırlıq səviyyəsinə malik şagirdlərin fənn üzrə fəaliyyətlərə cəlb edilməsi və onların yaş, ehtiyac və potensial xüsusiyyətlərinə uyğun diferensial yanaşmanın təmin olunması;

4.1.6. istedadlı və yüksək potensiallı şagirdlərin aşkar edilməsi, onların inkişafının dəstəklənməsi və riyazi yaradıcılıq imkanlarının genişləndirilməsi;

4.1.7. əlavə dəstəyə ehtiyacı olan şagirdlərlə məqsədli işin təşkili, onların təlim boşluqlarının müəyyənləşdirilməsi və inkişafına yönəlmiş tədbirlərin həyata keçirilməsi;

4.1.8. monitorinqlər, test yoxlamaları, yazı işləri, sorğular və digər qiymətləndirmə vasitələri əsasında şagird nailiyyətləri, maraq göstəriciləri və təlim ehtiyacları barədə məlumatların toplanması, təhlili və ümumiləşdirilməsi;

4.1.9. riyaziyyat müəllimləri arasında peşəkar-metodik əməkdaşlığın, təcrübə mübadiləsinin, açıq dərs, ustad dərsi, seminar, müzakirə və digər metodik fəaliyyətlərin təşkili və səmərəliliyinin artırılması;

4.1.10. şagirdlərin riyazi bilik və bacarıqlarını nümayiş etdirməsi üçün bilik yarışlarının, təqdimatların, yaradıcı fəaliyyətlərin və digər inkişafetdirici tədbirlərin təşkili;

4.1.11. məktəbdə riyaziyyat yönümlü yaradıcı, sağlam və inkişafyönlü öyrənmə mühitinin formalaşdırılması və aylığın yekununda Riyaziyyat gecəsi vasitəsilə bu mühitin möhkəmləndirilməsi;

4.1.12. valideynlərin məlumatlandırılması, onların rəy və təkliflərinin öyrənilməsi, məktəb-valideyn əməkdaşlığının gücləndirilməsi və bu istiqamətdə sorğu nəticələrindən istifadə olunması;

4.1.13. aylıq çərçivəsində keçirilən fəaliyyətlərin, qiymətləndirmə nəticələrinin və ümumi təşkilati-pedaqoji işin yekun təhlilinin aparılması, nəticələrin hesabatlaşdırılması və növbəti planlaşdırmada istifadə edilməsi.

5. Riyaziyyat  Fənn  aylığının təşkili prinsipləri

5.1. Riyaziyyat fənn aylığı aşağıdakı prinsiplər əsasında təşkil olunur:

5.1.1. məqsədyönlülük – aylıq çərçivəsində planlaşdırılan hər bir fəaliyyət müəyyən edilmiş məqsəd, vəzifə və gözlənilən nəticələrə xidmət etməlidir;

5.1.2. təlim nəticələrinə uyğunluq – fəaliyyətlər ümumi təhsilin müvafiq səviyyələri üzrə “Riyaziyyat” fənni üçün müəyyən edilmiş təlim nəticələri, məzmun tələbləri və şagirdlərin yaş xüsusiyyətləri nəzərə alınmaqla təşkil olunmalıdır;

5.1.3. planlılıq və sistemlilik – aylıq çərçivəsində keçirilən bütün tədbirlər əvvəlcədən hazırlanmış, təsdiq edilmiş və bir-biri ilə əlaqələndirilmiş plan əsasında ardıcıl şəkildə həyata keçirilməlidir;

5.1.4. şagirdyönümlülük və diferensial yanaşma – fəaliyyətlər şagirdlərin yaş, hazırlıq səviyyəsi, maraq və ehtiyac xüsusiyyətləri nəzərə alınmaqla təşkil edilməli, müxtəlif imkanlara malik şagirdlərin iştirakına uyğunlaşdırılmalıdır;

5.1.5. inklüzivlik və bərabər iştirak imkanı – aylıq bütün şagird qrupları, o cümlədən istedadlı və əlavə dəstəyə ehtiyacı olan şagirdlər üçün əlçatan olmalıdır;

5.1.6. təhlükəsizlik, etik davranış və psixoloji rahatlıq – bütün fəaliyyətlər şagirdlərin fiziki və psixoloji təhlükəsizliyi, etik davranış normaları və sağlam məktəb mühiti nəzərə alınmaqla təşkil olunmalıdır;

5.1.7. dəlilə və məlumatlara əsaslanma – aylıq çərçivəsində görülən işlərin planlaşdırılması, izlənilməsi və qiymətləndirilməsi monitorinq, test yoxlamaları, yazı işləri, sorğular, müşahidələr, iştirak göstəriciləri, şagird məhsulları və digər etibarlı məlumat mənbələrinə əsaslanmalıdır;

5.1.8. riyazi öyrənməyə uyğunluq – aylıq çərçivəsində təşkil olunan fəaliyyətlər riyazi savadlılıq, problem həll etmə, əsaslandırma, ünsiyyət, təqdimetmə və real həyatla əlaqələndirmə bacarıqlarının inkişafını dəstəkləməlidir;

5.1.9. nəticəyönlülük – əsas diqqət tədbirlərin sayına və xarici görnüşünə deyil, onların şagird öyrənməsinə, riyazi düşünmənin inkişafına, müəllimlərin metodik fəaliyyətinə və məktəbin tədris keyfiyyətinə verdiyi real töhfəyə yönəldilməlidir;

5.1.10. təhlil, hesabatlılıq və davamlı təkmilləşmə – aylıq başa çatdıqdan sonra nəticələr ümumiləşdirilməli, yekun hesabat hazırlanmalı, güclü və inkişaf tələb edən istiqamətlər müəyyən edilməli və əldə olunan nəticələr növbəti planlaşdırmada nəzərə alınmalıdır.

6. Riyaziyyat  Fənn  Aylığında iştirakçılar və aylığın əhatə dairəsi

6.1. Riyaziyyat fənn aylığının təşkili və keçirilməsində iştirak edən tərəflər aşağıdakılardır:

6.1.1. məktəb rəhbərliyi;

6.1.2. təlim-tərbiyə işləri üzrə direktor müavini;

6.1.3. riyaziyyat müəllimləri;

6.1.4. riyaziyyat fənni üzrə fənn metodbirləşməsi və zərurət olduqda digər aidiyyəti metodbirləşmə üzvləri;

6.1.5. aylığın təşkili ilə bağlı yaradılan təşkilat komitəsinin, işçi qrupun və ya münsiflər heyətinin üzvləri;

6.1.6. məktəbin strukturuna uyğun olaraq ibtidai, ümumi orta və tam orta təhsil səviyyələri üzrə aylığın tədbirlər planında nəzərdə tutulmuş siniflərin şagirdləri;

6.1.7. zərurət olduqda ibtidai sinif müəllimləri, sinif rəhbərləri və aylığın məqsəd və vəzifələrinə uyğun olaraq cəlb edilən digər pedaqoji işçilər;

6.1.8. valideynlər və ya digər qanuni nümayəndələr;

6.1.9. dəvət olunmuş mütəxəssislər, məzunlar, ali və orta ixtisas təhsili müəssisələrinin nümayəndələri, müvafiq qurum və təşkilatların təmsilçiləri və digər qonaqlar.

6.2. Riyaziyyat fənn aylığında iştirak forması tədbirin məqsədi, məzmunu, təşkilati xarakteri və təsdiq edilmiş tədbirlər planı nəzərə alınmaqla müəyyən edilir.

6.3. Məktəb rəhbərliyi, təlim-tərbiyə işləri üzrə direktor müavini, riyaziyyat müəllimləri və fənn metodbirləşməsi aylığın təşkili, idarə olunması, icrası, monitorinqi və yekunlaşdırılması üzrə əsas təşkilati subyektlər hesab olunur.

6.4. Şagirdlər aylığın əsas hədəf qrupu və birbaşa iştirakçıları olmaqla fərdi, sinif, paralel, qrup və ya komanda formatında aylıq çərçivəsində keçirilən fəaliyyətlərə cəlb edilə bilərlər.

6.5. Valideynlər və ya digər qanuni nümayəndələr aylıq çərçivəsində məlumatlandırma, maarifləndirmə, sorğular, müşahidə xarakterli iştirak və məktəb-valideyn əməkdaşlığını gücləndirən digər fəaliyyətlər vasitəsilə prosesə cəlb oluna bilərlər.

6.6. Dəvət olunmuş mütəxəssislər, məzunlar və digər qonaqlar aylığın məqsəd və mövzusuna uyğun olaraq açıq dərslərdə, seminar və görüşlərdə, bilik yarışlarında, Riyaziyyat gecəsində və digər seçilmiş tədbirlərdə iştirak edə bilərlər.

6.7. Riyaziyyat fənn aylığının əhatə dairəsi məktəbin şagird kontingenti, təhsil səviyyələri, sinif paralelləri, kadr potensialı, maddi-texniki və tədris resursları, həmçinin təsdiq edilmiş tədbirlər planı nəzərə alınmaqla müəyyən edilir.

6.8. Aylığın əhatə dairəsinə tədris və sinifdənkənar fəaliyyətlər, açıq dərslər, monitorinqlər, test yoxlamaları, yazı işləri, sorğular, bilik yarışları, təqdimatlar, yekun Riyaziyyat gecəsi və aylıq üzrə hesabatın hazırlanması ilə bağlı fəaliyyətlər daxil edilə bilər.

6.9. Aylığın əhatə dairəsi müəyyən edilərkən təhlükəsizlik, bərabər iştirak imkanı, şagirdlərin yaş və hazırlıq səviyyəsi, xüsusi qayğıya ehtiyacı olan və istedadlı şagirdlərin cəlb olunması, həmçinin məktəbin real təşkilati şəraiti nəzərə alınır.

7. Riyaziyyat  Fənn  aylığında təşkilati idarəetmə və məsul şəxslər

7.1. Riyaziyyat fənn aylığının ümumi rəhbərliyi məktəb direktoru tərəfindən həyata keçirilir.

7.2. Məktəb direktoru Riyaziyyat fənn aylığının məktəbin illik fəaliyyət planına, Pedaqoji Şuranın qərarına, bu Əsasnaməyə və digər aidiyyəti məktəbdaxili sənədlərə uyğun təşkil olunmasına, zəruri təşkilati şəraitin yaradılmasına, icra vəziyyətinin ümumi nəzarətdə saxlanılmasına və yekun nəticələrin qəbul edilməsinə cavabdehdir.

7.3. Riyaziyyat fənn aylığının hazırlanması və icrasının ümumi koordinasiyası təlim-tərbiyə işləri üzrə direktor müavini tərəfindən həyata keçirilir.

7.4. Təlim-tərbiyə işləri üzrə direktor müavini aşağıdakı funksiyaları yerinə yetirir:

7.4.1. aylığın tədbirlər planının hazırlanması prosesini əlaqələndirir;

7.4.2. fəaliyyətlərin icra qrafikinə uyğun aparılmasına nəzarət edir;

7.4.3. monitorinq, test yoxlamaları, yazı işləri, sorğular, bilik yarışları və digər fəaliyyətlər üzrə məlumatların toplanmasını və ümumiləşdirilməsini təşkil edir;

7.4.4. fəaliyyətlər üzrə aralıq icra vəziyyətini izləyir və zərurət yarandıqda təşkilati düzəlişlər təklif edir;

7.4.5. aylığın yekun arayış və hesabatının hazırlanmasını əlaqələndirir.

7.5. Riyaziyyat fənn aylığının əsas icraedici və metodik təminatçı strukturu riyaziyyat müəllimləri və riyaziyyat fənni üzrə metodbirləşmədir.

7.6. Riyaziyyat müəllimləri və fənn metodbirləşməsi aşağıdakı funksiyaları yerinə yetirirlər:

7.6.1. aylıq çərçivəsində keçiriləcək tədbirlərin məzmun və metodik əsaslarını hazırlayırlar;

7.6.2. fəaliyyətləri “Riyaziyyat” fənni üzrə təlim nəticələri, sinif səviyyələri və şagird ehtiyacları ilə əlaqələndirirlər;

7.6.3. açıq dərslərin, monitorinqlərin, test yoxlamalarının, yazı işlərinin, bilik yarışlarının, sorğuların və digər tədbirlərin birbaşa icrasını təmin edirlər;

7.6.4. şagird nailiyyətləri, fəallıq göstəriciləri və müşahidə nəticələri əsasında ilkin təhlillər aparırlar;

7.6.5. aylığın yekun mərhələsi üçün metodik və analitik materiallar təqdim edirlər.

7.7. Zərurət olduqda məktəb direktorunun əmri ilə Riyaziyyat fənn aylığının təşkili üzrə Təşkilat Komitəsi yaradılır.

7.8. Təşkilat Komitəsinin tərkibinə məktəb rəhbərliyi nümayəndələri, təlim-tərbiyə işləri üzrə direktor müavini, riyaziyyat müəllimləri, fənn metodbirləşməsinin nümayəndələri və zərurət olduqda digər aidiyyəti şəxslər daxil edilə bilər.

7.9. Təşkilat Komitəsinin əsas funksiyaları aşağıdakılardır:

7.9.1. aylığın keçirilməsi ilə bağlı hazırlıq işlərinin planlaşdırılması;

7.9.2. tədbirlər planının layihəsinin hazırlanması və razılaşdırılması;

7.9.3. tədbirlər üzrə məsul şəxslərin və iştirak formatlarının müəyyənləşdirilməsi;

7.9.4. fəaliyyətlərin gedişinin əlaqələndirilməsi və təşkilati dəstəyin təmin olunması;

7.9.5. zəruri sənədlərin, monitorinq və sorğu formalarının, qiymətləndirmə materiallarının və digər aidiyyəti resursların hazırlanmasının təşkil edilməsi;

7.9.6. aylığın gedişi barədə məlumatların toplanması və ümumiləşdirilməsi;

7.9.7. bilik yarışı, Riyaziyyat gecəsi və digər yekun tədbirlərin təşkili üzrə əlaqələndirmənin aparılması;

7.9.8. yekun arayış və aylıq hesabat üçün materialların toplanması və sistemləşdirilməsi.

7.10. Aylıq çərçivəsində keçirilən hər bir tədbir üzrə ayrıca məsul şəxs və ya məsul işçi qrup müəyyən edilir.

7.11. Tədbir üzrə məsul şəxs fəaliyyətin məqsədinə uyğun hazırlanmasına, iştirakçıların məlumatlandırılmasına, icra prosesinin təşkilinə, nəticələrin sənədləşdirilməsinə və aidiyyəti məlumatların vaxtında təqdim edilməsinə cavabdeh olur.

7.12. Tədbirlər üzrə məsuliyyət bölgüsü məktəb direktorunun əmri, aylıq üzrə təsdiq edilmiş tədbirlər planı və ya digər aidiyyəti təşkilati sənədlərlə rəsmiləşdirilir.

7.13. Riyaziyyat fənn aylığının idarə olunması zamanı fəaliyyətlərin yalnız keçirilməsi deyil, onların şagird öyrənməsinə, riyazi inkişafına, metodik işə və məktəbin ümumi tədris keyfiyyətinə verdiyi təsirin izlənilməsi əsas götürülür.

8. Riyaziyyat  Fənn  aylığının əsas fəaliyyət istiqamətləri və formaları

8.1. Riyaziyyat fənn aylığı çərçivəsində fəaliyyətlər aylığın məqsəd və vəzifələrinə, “Riyaziyyat” fənni üzrə təlim nəticələrinə, şagirdlərin yaş və hazırlıq səviyyəsinə, məktəbin resurs imkanlarına və təsdiq edilmiş tədbirlər planına uyğun olaraq müxtəlif istiqamətlər üzrə təşkil edilir.

8.2. Riyaziyyat fənn aylığının əsas fəaliyyət istiqamətləri aşağıdakılardır:

8.2.1. tədris və öyrənmə yönlü fəaliyyətlər – açıq və nümunəvi dərslər, məntiq və problem həlli saatları, tətbiqi riyaziyyat fəaliyyətləri, gündəlik həyatla bağlı ölçmə, hesablama, statistika və modelləşdirmə tapşırıqları, şagird layihələri, təqdimatlar, sərgilər, divar qəzeti və fənn guşələrinin hazırlanması;

8.2.2. yoxlayıcı-diaqnostik və qiymətləndirmə yönlü fəaliyyətlər – monitorinqlər, test yoxlamaları, yazı işləri, sorğular, şagird nailiyyətlərinin və maraq göstəricilərinin öyrənilməsi, nəticələrin müqayisəli təhlili və ümumiləşdirilməsi;

8.2.3. inkişafetdirici və diferensial dəstək fəaliyyətləri – istedadlı və yüksək potensiallı şagirdlərlə inkişafetdirici məşğələlər, əlavə dəstəyə ehtiyacı olan şagirdlərlə gücləndirici məşğələlər, müxtəlif hazırlıq səviyyəsinə malik şagirdlər üçün uyğunlaşdırılmış tapşırıqlar və fərqləndirilmiş iş formaları;

8.2.4. yarış və təqdimetmə yönlü fəaliyyətlər – riyazi viktorina, bilik yarışı, intellektual oyunlar, olimpiada tipli seçim mərhələləri, şagird təqdimatları və riyazi yaradıcı fəaliyyətlərin nümayişi;

8.2.5. metodik və peşəkar inkişaf fəaliyyətləri – seminarlar, ustad dərsləri, dəyirmi masalar, metodik görüşlər, açıq dərslərin təhlili, təcrübə mübadiləsi, nəticələrin müzakirəsi və tövsiyələrin hazırlanması;

8.2.6. rəqəmsal və innovativ fəaliyyətlər – rəqəmsal platformalar, interaktiv resurslar, elektron tapşırıqlar, təqdimat və vizuallaşdırma vasitələri ilə iş;

8.2.7. valideynlərlə əməkdaşlıq və maarifləndirmə fəaliyyətləri – valideynlər üçün maarifləndirici təqdimatlar və görüşlər, sorğular, rəy toplama və məktəb-valideyn əməkdaşlığını gücləndirən digər fəaliyyətlər;

8.2.8. açılış, yekunlaşdırma və hesabatlılıq fəaliyyətləri – aylığın açılış tədbiri, yekun ümumiləşdirmə tədbirləri, Riyaziyyat gecəsi, fəaliyyətlərin nəticələrinin təqdim olunması, yekun arayış və hesabatın hazırlanması.

8.3. Fəaliyyət istiqamətləri və formaları müəyyən edilərkən şagirdlərin yaş, psixoloji və hazırlıq səviyyələri, təhsil pillələri üzrə təlim nəticələri, məktəbin kadr, maddi-texniki və rəqəmsal resurs imkanları, təhlükəsizlik və etik davranış tələbləri, bərabər iştirak və inklüzivlik prinsipi, habelə monitorinq, qiymətləndirmə və sorğular nəticəsində müəyyən edilmiş real təlim ehtiyacları nəzərə alınır.

8.4. Fəaliyyətlərin seçilməsi və tətbiqi zamanı onların çoxluğu və xarici görnüşü deyil, şagird öyrənməsinə, riyazi savadlılığın formalaşmasına, problem həll etmə və əsaslandırma bacarıqlarının inkişafına, müəllimlərin metodik fəaliyyətinin zənginləşməsinə və tədris keyfiyyətinin yüksəldilməsinə real təsiri əsas götürülür.

9. Riyaziyyat  Fənn  Aylığının planlaşdırması və keçirilmə qaydası

9.1. Riyaziyyat fənn aylığı hər il aprel ayında keçirilir.

9.2. Riyaziyyat fənn aylığının təşkili məktəb direktorunun əmri və təsdiq edilmiş tədbirlər planı əsasında həyata keçirilir.

9.3. Riyaziyyat fənn aylığının tədbirlər planı aylığın keçirilməsindən əvvəl hazırlanır, aidiyyəti şəxslərlə razılaşdırılır və müəyyən olunmuş qaydada təsdiq edilir.

9.4. Tədbirlər planında hər bir fəaliyyətin adı, məqsədi, keçirilmə vaxtı, yeri, iştirakçıları, məsul şəxsləri, istifadə olunacaq resurslar, gözlənilən nəticələri və zərurət olduqda qiymətləndirmə və ya izləmə forması göstərilir.

9.5. Tədbirlər planında monitorinqlər, test yoxlamaları, yazı işləri, sorğular, bilik yarışı, Riyaziyyat gecəsi və aylıq üzrə yekun hesabatla bağlı fəaliyyətlər nəzərdə tutulur.

9.6. Aylıq çərçivəsində keçirilən tədbirlər məktəbin iş rejimi, dərs cədvəli, şagirdlərin yüklənmə səviyyəsi, digər məktəbdaxili fəaliyyətlər və mövcud resurs imkanları nəzərə alınmaqla təşkil edilir.

9.7. Tədbirlərin təşkili zamanı tədris prosesinin ümumi ahəngi pozulmamalı, fəaliyyətlər formal iştirakçılığa deyil, məzmunlu və məqsədli iştirakın təmin olunmasına yönəldilməlidir.

9.8. Bütün fəaliyyətlərdə məktəbdaxili intizam qaydalarına, təhlükəsizlik tələblərinə, etik davranış normalarına və inklüziv yanaşma prinsipinə əməl olunur.

9.9. Aylıq çərçivəsində keçirilən tədbirlərin icrası zamanı iştirakçıların fəallığı, fəaliyyətlərin təşkili səviyyəsi, əldə olunan nəticələr və sənədləşdirmə vəziyyəti izlənilir.

9.10. Zərurət yarandıqda tədbirlər planına dəyişiklik və ya əlavələr edilə bilər. Dəyişikliklər aidiyyəti qaydada razılaşdırılır və məktəbdaxili təşkilati sənədlərlə rəsmiləşdirilir.

9.11. Riyaziyyat fənn aylığının keçirilməsi zamanı yalnız tədbirlərin baş tutması deyil, onların təşkilati keyfiyyəti, iştirakçıların real fəallığı, əldə olunan nəticələr və tədris prosesinə təsiri də nəzərə alınır.

9.12. Aylıq başa çatdıqdan sonra görülmüş işlər ümumiləşdirilir, nəticələr təhlil olunur və müəyyən olunmuş qaydada yekun arayış və aylıq hesabat hazırlanır.

10. Riyaziyyat  Fənn  aylığının monitorinq, qiymətləndirmə və nəticələrin təhlili

10.1. Riyaziyyat fənn aylığı çərçivəsində həyata keçirilən fəaliyyətlərin gedişi, icra vəziyyəti və nəticələri məktəb rəhbərliyi, təlim-tərbiyə işləri üzrə direktor müavini, fənn metodbirləşməsi və zərurət olduqda Təşkilat Komitəsi tərəfindən sistemli şəkildə izlənilir.

10.2. Monitorinqin məqsədi aylıq çərçivəsində keçirilən fəaliyyətlərin təsdiq edilmiş plan üzrə icra vəziyyətini, təşkilati keyfiyyətini, iştirakçıların fəallığını, əldə olunan nəticələri və bu nəticələrin tədris prosesinə təsirini müəyyən etməkdir.

10.3. Monitorinq və qiymətləndirmə zamanı aşağıdakı istiqamətlər üzrə məlumat toplanır:

10.3.1. tədbirlərin təsdiq edilmiş plan üzrə icra vəziyyəti;

10.3.2. şagird və müəllimlərin iştirak səviyyəsi;

10.3.3. fəaliyyətlərin təşkilati keyfiyyəti;

10.3.4. açıq dərslərin, metodik tədbirlərin, monitorinqlərin, test yoxlamalarının, yazı işlərinin, bilik yarışlarının və sorğuların nəticələri;

10.3.5. riyazi fəallıq, problem həll etmə, təqdimetmə və əsaslandırma bacarıqlarında müşahidə olunan dəyişikliklər;

10.3.6. şagird nailiyyətləri, maraq göstəriciləri, güclü tərəflər, çətinliklər və inkişaf ehtiyacları.

10.4. Monitorinq və qiymətləndirmə zamanı istifadə olunan məlumatlar mümkün qədər etibarlı, müqayisəolunan və sənədləşdirilmiş mənbələrə əsaslanmalıdır. Zərurət olduqda məktəbdaxili qiymətləndirmə nəticələri monitorinq, əvvəlki yoxlamalar və digər mövcud nəticələrlə müqayisəli şəkildə təhlil edilir.

10.5. Monitorinq zamanı zəruri hallarda aşağıdakı materiallardan istifadə olunur:

10.5.1. müşahidə qeydləri;

10.5.2. iştirak siyahıları;

10.5.3. monitorinq, test yoxlaması və yazı işi nümunələri;

10.5.4. şagird iş nümunələri və digər məhsullar;

10.5.5. sorğu nəticələri və rəy formaları;

10.5.6. foto, təqdimat və digər təsdiqləyici materiallar;

10.5.7. qısa analitik qeydlər, arayışlar və yekun hesabat üçün toplanmış materiallar.

10.6. Aylıq üzrə qiymətləndirmə tədbirlərin sayına görə deyil, onların məqsədə uyğunluğu, icra keyfiyyəti, iştirakçılara təsiri, şagirdlərin öyrənmə nəticələrinə verdiyi töhfə və məktəbin sonrakı işinə təsiri nəzərə alınmaqla aparılır.

10.7. Toplanmış nəticələr əsasında şagirdlərin təlim boşluqları, inkişaf dinamikası, maraq göstəriciləri və tədris prosesində diqqət tələb edən istiqamətlər müəyyənləşdirilir, zərurət olduqda müəllimlərə, şagirdlərə və aidiyyəti tərəflərə geribildirim verilir.

10.8. Aylıq başa çatdıqdan sonra əldə olunmuş nəticələr, müəyyən edilmiş güclü tərəflər, aşkar olunmuş çətinliklər, görülmüş tədbirlər və gələcək üçün təkliflər ümumiləşdirilərək yekun arayış və ya hesabat hazırlanır. Bu materialların yazılı və ya elektron formada qeydiyyatı təmin edilir.

10.9. Yekun təhlilin nəticələri məktəbin növbəti metodik işində, riyaziyyat fənni üzrə dəstək və inkişaf tədbirlərində, məktəbdaxili qiymətləndirmə işində, özünüqiymətləndirmə və planlaşdırma prosesində nəzərə alınır.

11. Riyaziyyat  Fənn  Aylığının sənədləşdirməsi

11.1. Riyaziyyat fənn aylığının təşkili və keçirilməsi aşağıdakı sənədlərlə rəsmiləşdirilir:

11.1.1. məktəbin Pedaqoji Şurasının Riyaziyyat fənn aylığının keçirilməsi ilə bağlı qərarı;

11.1.2. Riyaziyyat fənn aylığı haqqında Əsasnamə;

11.1.3. məktəb direktorunun əmri;

11.1.4. tədbirlər planı;

11.1.5. zərurət olduqda Təşkilat Komitəsinin, işçi qrupun və ya münsiflər heyətinin tərkibi;

11.1.6. monitorinq, test yoxlaması, yazı işi, sorğu və digər qiymətləndirmə fəaliyyətləri üzrə materiallar və nəticə sənədləri;

11.1.7. tədbirlər üzrə iştirak siyahıları;

11.1.8. açıq dərs və digər fəaliyyətlər üzrə müşahidə, rəy və izləmə formaları;

11.1.9. müsabiqə, bilik yarışı və digər təqdimat xarakterli tədbirlərin şərtləri və qiymətləndirmə meyarları;

11.1.10. foto, video, təqdimat və digər təsdiqləyici materiallar;

11.1.11. Riyaziyyat gecəsi və digər yekun tədbirlərlə bağlı proqram, material və aidiyyəti sənədlər;

11.1.12. yekun arayış və ya aylıq hesabat;

11.1.13. təşəkkürnamə, diplom və digər həvəsləndirmə sənədləri.

11.2. Aylıqla bağlı sənədlər məktəbdə qəbul edilmiş kargüzarlıq, sənəd dövriyyəsi və arxivləşdirmə qaydalarına uyğun olaraq kağız və ya elektron formada sistemləşdirilir, saxlanılır və zərurət olduqda təqdim edilir.

11.3. Riyaziyyat fənn aylığı ilə bağlı sənədlərin toplanması, tamlığı, vaxtında təqdim olunması və aidiyyəti qaydada saxlanılması üzrə məsuliyyət məktəb direktorunun əmri və ya tədbirlər planı ilə müəyyən edilmiş məsul şəxslər tərəfindən həyata keçirilir.

12. Riyaziyyat  Fənn  Aylığının yekunlaşdırması və həvəsləndirmə tədbirləri

12.1. Riyaziyyat fənn aylığı başa çatdıqdan sonra aylıq çərçivəsində həyata keçirilmiş bütün fəaliyyətlərin nəticələri ümumiləşdirilir, qiymətləndirmə və monitorinq materialları təhlil olunur, iştirak göstəriciləri, əldə olunmuş nailiyyətlər, müəyyən edilmiş güclü tərəflər və inkişaf ehtiyacları üzrə yekun nəticə çıxarılır.

12.2. Yekunlaşdırma mərhələsində aylıq çərçivəsində keçirilmiş açıq dərslər, monitorinqlər, test yoxlamaları, yazı işləri, sorğular, bilik yarışları, təqdimatlar, yaradıcı fəaliyyətlər, Riyaziyyat gecəsi və digər tədbirlər üzrə toplanmış materiallar, nəticələr və müşahidələr nəzərə alınır.

12.3. Riyaziyyat fənn aylığının yekunları üzrə məktəbdaxili qaydada yekun təqdimat, müzakirə, hesabat və ya ümumiləşdirici tədbir təşkil edilə bilər.

12.4. Yekun tədbirdə aylığın keçirilməsi ilə bağlı ümumi nəticələr təqdim olunur, fərqlənən fəaliyyətlər qeyd edilir, iştirakçıların nailiyyətləri dəyərləndirilir və gələcək iş üçün əsas istiqamətlər müəyyənləşdirilir.

12.5. Riyaziyyat fənn aylığı çərçivəsində fərqlənən şagirdlər, fəal müəllimlər, təşkilati işdə səmərəli iştirak etmiş digər pedaqoji işçilər, işçi qrupun, təşkilat komitəsinin və ya münsiflər heyətinin üzvləri məktəbdaxili qaydada təşəkkürnamə, diplom, fəxri fərman və ya digər həvəsləndirmə formaları ilə təltif oluna bilərlər.

12.6. Həvəsləndirmə zamanı iştirakçıların aylıq çərçivəsində göstərdikləri fəallıq, məsuliyyət, nəticəlilik, yaradıcı yanaşma, təşkilati intizam, təqdimetmə bacarığı, riyazi nailiyyətləri və məktəbin ümumi fəaliyyətinə verdikləri töhfə nəzərə alınır.

12.7. Həvəsləndirmə tədbirləri şəffaflıq, obyektivlik, ədalətlilik və nəticəyönlülük prinsipləri əsasında həyata keçirilir.

12.8. Riyaziyyat fənn aylığının yekunlaşdırılması zamanı əsas diqqət yalnız mükafatlandırmaya deyil, aylığın məktəbdə riyaziyyat təliminin keyfiyyətinə, şagirdlərin riyazi fəallığına, müəllimlərin metodik əməkdaşlığına, qiymətləndirmə və monitorinq nəticələrinə, eləcə də məktəbdə riyaziyyat yönümlü inkişaf mühitinin güclənməsinə verdiyi töhfənin qiymətləndirilməsinə yönəldilir.

12.9. Yekunlaşdırma nəticəsində müəyyən edilmiş təklif və tövsiyələr məktəbin növbəti metodik işində, riyaziyyat fənni üzrə dəstək tədbirlərində, fənn metodbirləşməsinin fəaliyyətində və gələcək aylıq və layihələrin planlaşdırılmasında nəzərə alınır.

12.10. Riyaziyyat fənn aylığının yekunları üzrə hazırlanmış arayış, hesabat, təqdimat materialları və həvəsləndirmə ilə bağlı sənədlər aidiyyəti qaydada rəsmiləşdirilir və saxlanılır.

13. Yekun müddəalar

13.1. Bu Əsasnamə ____________________________________ məktəbin Pedaqoji Şurasının müvafiq qərarı ilə qəbul edilir və məktəb direktorunun əmri ilə təsdiq olunduğu tarixdən qüvvəyə minir.

13.2. Bu Əsasnamənin icrasına nəzarət məktəb direktoru tərəfindən həyata keçirilir.

13.3. Bu Əsasnaməyə dəyişiklik və əlavələr zərurət yarandıqda məktəbin Pedaqoji Şurasında müzakirə olunaraq qəbul edilir və məktəb direktorunun əmri ilə təsdiq olunur.

Təsdiq edirəm:

Məktəbin direktoru:                                     ______________________

M.Y.