"'TələbəPlus' istifadəçilərinə nəqliyyatda yeni güzəşt
Təhsilin İnkişafı Fondunun tələbə və təhsil işçiləri üçün həyata keçirdiyi layihələri, endirim kampaniyalarını və rəsmi elanları izləmək üçün direktor.az-a abunə olun. Tələbə həyatını asanlaşdıran imkanları, rəqəmsal ödəniş üstünlüklərini və təhsil gündəmindəki mühüm inkişafları qaçırmamaq üçün bildirişləri aktiv edin.
Artıq tələbələr "BakıKart" üzrə gediş haqqını "TələbəPlus" kartı ilə ödədikdə 10% bonus əldə edə biləcəklər.
Direktor.az xəbər verir ki, bu barədə Təhsilin İnkişafı Fondundan məlumat verilib.
Bonus həm fiziki "TələbəPlus" kartı həm də QR-ödənişləri zamanı keçərlidir.
Beləliklə, ilin sonunadək tələbələr "BakıKart" üzrə nəqliyyat ödənişlərinə xərclədikləri məbləğin 10%-ni bonus şəklində gündəlik say limiti olmadan geri qazana biləcəklər.
Bilik Günü münasibətilə təqdim olunan yeni bonus imkanı tələbələrin gündəlik nəqliyyat xərclərinin müəyyən hissəsini geri qazanmasına şərait yaratmaqla yanaşı, "TələbəPlus" kartının gündəlik istifadəsi üzrə üstünlükləri də genişləndirir.
Qeyd edək ki, təhsil işçiləri üçün Təhsilin İnkişafı Fondu tərəfindən istifadəyə verilən "TəhsilPlus" kartı ilə ictimai nəqliyyatdan istifadə zamanı da güzəştlər təqdim olunur. "TəhsilPlus" istifadəçiləri "City Card" və "BakıKart" üzrə QR-ödənişlərində 10% endirimdən yararlana bilirlər.
"TələbəPlus" kartı Təhsilin İnkişafı Fondu, "Kapital Bank" və "Visa" tərəfindən tələbələr üçün həyata keçirilən birgə layihədir. Kart tələbələrə nəqliyyatdan istifadə ilə yanaşı, müxtəlif xidmət və məhsullardan yararlanarkən bonus və endirim imkanları təqdim edir.
Bu mövzu ilə bağlı audio və video izahları, PDF-ləri və testləri əldə etmək istəyirsinizsə abunə ol bölməsinə keçin