UNEC-in Beynəlxalq İqtisadiyyat məktəbinə 30 əcnəbi tələbə qəbul olub
Ali təhsil müəssisələrində tələbələrin akademik adaptasiyasını, kredit sisteminin tətbiqi qaydalarını, beynəlxalq təhsil standartlarını izləmək üçün direktor.az-a abunə olun. Elm və ali təhsil idarəçiliyi, universitet mühitində baş verən rəsmi xəbərlər üçün bizi izləməyə davam edin.
UNEC-in Beynəlxalq İqtisadiyyat Məktəbində (ISE) birinci kurs tələbələri ilə görüş keçirilib.
Direktor.az xəbər verir ki, bu barədə universitetdən bildirilib. Görüş zamanı ISE-nin direktoru İnara Rzayeva çıxış edərək tələbələrə UNEC-də mövcud olan təhsil imkanları, ikili diplom, universitetin CFA akkreditasiyası və ACCA proqramı haqqında məlumat verib.
Bildirilib ki, bu il ISE-yə 180 tələbə qəbul olunub. Qəbul olunanlar arasında ən yüksək nəticəni 667 balla “Maliyyə” ixtisasına qəbul olan Rəsul Leyla Rövşən göstərib. Tələbələrdən 73 nəfəri 600 və daha yüksək bal toplayıb. Eyni zamanda, ISE-yə 30 əcnəbi tələbə qəbul olunub.
ISE-nin direktor müavini Aysel Quliyeva tələbə klublarının fəaliyyəti, klublara üzvlük imkanları və tələbələrin universitetin ictimai həyatında fəal iştirakının əhəmiyyəti barədə məlumat verib.
ISE-nin tyutoru Humay Ağayeva tələbələri kredit sistemi və onun tətbiqi qaydaları ilə bağlı ətraflı məlumatlandırıb.
Görüşdə tələbə-dekan Ceyran Məmmədova Tələbə-Mentor komandasının fəaliyyəti, və mentorluq imkanları haqqında məlumat təqdim edilib.
Görüşün sonunda tələbələrin sualları cavablandırılıb, onları maraqlandıran məsələlər ətrafında fikir mübadiləsi aparılıb.
Bu mövzu ilə bağlı audio və video izahları, PDF-ləri və testləri əldə etmək istəyirsinizsə abunə ol bölməsinə keçin