DİM Turizm Agentliyinin əməkdaşları üçün təlim keçirib
Dövlət qulluqçularının peşəkar bacarıqlarının artırılmasına yönələn tədbirləri, maarif sistemindəki mühüm xəbərləri izləmək üçün direktor.az-a abunə olun. İdarəetmə sahəsindəki yeniliklər, metodiki dəstəkdən xəbərdar olmaq üçün bizi izləyin.
Dövlət İmtahan Mərkəzi 12 noyabr Dövlət Turizm Agentliyinin əməkdaşları üçün "Kargüzarlıq və elektron sənəd dövriyyəsi sistemləri" mövzusunda distant formada təlim keçirib.
Direktor.az xəbər verir ki, bu barədə DİM-dən bildirilib. Təlim zamanı Dövlət İmtahan Mərkəzinin İctimaiyyətlə əlaqələr və kargüzarlıq departamentinin böyük məsləhətçisi Nailə Abdullayeva tərəfindən iştirakçılar sənədlərin hazırlanması və rəsmiləşdirilməsi üçün ümumi tələblər, sənədlərin dövriyyəsinin təşkili, sənədlərin qeydə alınması və məlumat aparatının quruluşu, sənədlərin icrasına nəzarətin təşkili, işlərin nomenklaturunun tərtib edilməsi, qovluqların formalaşdırılması, arxivə təhvil verilməyə hazırlanması və cari arxivdən istifadə qaydaları, elektron sənədlərlə bağlı kargüzarlığın aparılmasının xüsusiyyətləri və s. mövzular barədə məlumatlandırılıb və bu səpkidə bir sıra müzakirələr aparılıb.
Təlimin sonunda iştirakçıların sualları cavablandırılıb.
Bu mövzu ilə bağlı audio və video izahları, PDF-ləri və testləri əldə etmək istəyirsinizsə abunə ol bölməsinə keçin
