DİQQƏT ! - Məktəbdə bağlanmış Kollektiv Müqavilə (2025-2027)

AZƏRBAYCAN RESPUBLİKASI ELM VƏ TƏHSİL NAZİRLİYİ

 ____________________ REGİONAL TƏHSİL İDARƏSİ

___________________ RAYONU _____________________TAM ORTA ÜMUMTƏHSİL MƏKTƏBİN İLK HƏMKARLAR İTTİFAQI KOMİTƏSİ

 KOLLEKTİV   MÜQAVİLƏ (2025-2027)

1.Ümumi müddəalar

1.1. Kollektiv müqavilənin tərəfləri: bir tərəfdən  Elm və Təhsil Nazirliyinin _____________ Regional Təhsil İdarəsi   ________________ rayonu  _____________ tam orta ümumtəhsil məktəbi və digər tərəfdən həmin məktəbin ilk həmkarlar ittifaqı komitəsidir.

1.2. Kollektiv müqavilə Azərbaycan Respublikasının Əmək Məcəlləsinə uyğun olaraq işəgötürənlə işçilər arasında əmək, sosial-iqtisadi və digər münasibətləri tənzimləmək məqsədilə bağlanılır.

1.3. Kollektiv müqavilənin şərtləri tərəflər və bu şərtlərin aid edildiyi iş yerləri üçün məcburidir.

1.4. Kollektiv müqavilə qüvvədə olduğu müddət ərzində tərəflər  Əmək Məcəlləsinə uyğun olaraq və qarşılıqlı razılaşmaya əsasən ona əlavə və ya dəyişiklik edə bilərlər.

1.5. Kollektiv müqavilə müəssisinin bütün işçilərinə, kollektiv müqavilə qüvvəyə mindikdən sonra işə qəbul olunan şəxslərə şamil edilir.

1.6. Müəssisəyə yeni işçi qəbul edilən zaman işəgötürən onu kollektiv müqavilənin şərtləri ilə tanış etməlidir.

1.7. Təhsil müəssisəsinin rəhbəri və həmkarlar ittifaqı təşkilatı kollektiv müqavilənin yerinə yetirilməsi haqqında ildə azı 1 dəfə əmək kollektivinə hesabat verməlidirlər.

1.8. Kollektiv müqavilə 17 noyabr 2025-ci il tarixdə, 2 il müddətinə (2025-2027-ci ilə qədər) bağlanır və yenisi bağlananadək qüvvədədir.

1.9. Kollektiv müqavilə  17.11.2025-ci ildən qüvvəyə minir.

II. Təhsil işçilərinin əmək, sosial, iqtisadi hüquqlarının və qanuni

maraqlarının müdafiəsi sahəsində tərəflərin birgə öhdəlikləri

2.1. Azərbaycan Respublikası Elm Və Təhsil Nazirliyi və Elm və Təhsil İşçiləri Həmkarlar  İttifaqı  Respublika Komitəsi arasında  bağlanılmış 06.10.2025-ci il tarixli Kollektiv Sazişlə (2025-2027), ________________ Regional Təhsil İdarəsi ilə ETİHİ _________ Rayon Komitəsi arasında bağlanmış kollektiv müqavilə (2025-2027) və bu müqavilə  ilə müəyyən edilmiş öhdəliklərin həyata keçirilməsinə və yerinə yetirilməsinə nəzarət etmək.

2.1.2 Təhsil İşçilərinin hüquqi biliklərinin artırılması məqsədilə təhsil müəssissində işəgötürən və işçilərin iştirakı ilə müntəzəm olaraq seminarların keçirilməsini təmin etmək.

2.1.3 Təhsil işçilərinin əmək, maddi, sosial-məişət şəraitinin, onların ailəsinin rifah halının yaxşılaşdırılması üçün birgə tədbirlər görmək.

2.1.4. Əmək münasibətlərinin sosial dialoq, kollektiv saziş və bu müqavilə vasitəsi ilə tənzimlənməsinə çalışmaq.

2.2. Təhsil müəssisəsinin öhdəlikləri

2.2.1. İşəgötürənlə işçi arasında əmək müqaviləsinin bağlanması, dəyişdirilməsi və ləvğ edilməsi zamanı Azərbaycan Respublikasının  Əmək Məcəlləsinin şərtlərinə əməl etmək və həmkarlar ittifaqı komitəsinin bu işə nəzarət etməsinə şərait yaratmaq.

2.2.2. Təhsil müəssisəsinin rəhbərləri əmək qanunvericiliyinin tələblərini, saziş, (kollektiv müqavilə)  əsasında götürdüyü öhdəlikləri pozduqda, rayon həmkarlar ittifaqı komitəsinin tələbinə əsasən onların intizam məsuliyyətinə cəlb olunmasını təmin etmək;

2.2.3. Təhsil müəssisəsində həmkarlar ittifaqı komitəsinin razlığı ilə işçilərin iş rejimini, əmək normalarını təsdiq etmək;

2.2.4. Təhsil müəssisəsində işəgötürənlə işçi arasında bağlanmış müddətli əmək müqaviləsi fasiləsiz olaraq 5 ildən artıq davam etdiyi halda, Əmək Məcəlləsinin 45.5-ci maddəsinə uyğun olaraq həmin işçi ilə müddətsiz əmək müqaviləsinin bağlanmasını təmin etmək;

2.2.5. dövlət büdcəsindən maliyyələşən müəssisələrdə 65 yaşına çatmış işçinin müəssisədə çalışma müddətinin müvafiq müəssisə rəhbəri tərəfindən Məcəllənin 10-1.4 və 10-1.5-ci maddələrinin tələblərinə əməl edilməklə uzadılmasını təmin etmək;

2.2.6. 65 yaşına çatmış işçinin çalışma müddəti uzadıldığı təqdirdə həmin müddətli əmək müqaviləsinə işçiyə müvafiq iş ilinə görə əmək məzuniyyəti  verilərək, məzuniyyət müddəti qutardığı gündən xitam verilməsini təmin etmək;

2.2.7. Əlillik dərəcəsi olan işçilər, həmçinin hamilə, yaşyarımadək uşağı olan qadınlar üçün qısaldılmış iş vaxtı müəyyən etmək və həmin işçilərin əmək haqlarının normal iş vaxtı üçün müəyyən vaxt edilən tam məbləğlərdə ödənilməsini təmin etmək;

2.2.8. Müvafiq iş ilinin məzuniyyətindən istifadə etməmiş işçinin əmək müqaviləsinə istənilən səbəbdən xitam verilərkən işçinin arzusu ilə həmin iş ili üçün ona məzuniyyətin verilməsini və işçinin  əmək müqaviləsinə məzuniyyətin son günü xitam verilməsini təmin etmək;

2.2.9. Əlavə iş yerində əvəzçiliklə işləyən işçilərin Əmək Məcəlləsi ilə müəyyən edilmiş məzuniyyətlərdən istifadə etmələrini təmin etmək;

2.2.10. Təhsil müəssisəsində özünün əmək funksiyasının yerinə yetirməklə yanaşı müəyyən səbəbdən işə çıxmayan işçinin əvəz edən işçiyə, Əmək Məcəlləsinin 162-ci maddəsinə uyğun əlavə əmək haqqının ödənilməsini təmin etmək;

2.2.11.Təhsil müəssisində həmkarlar ittifaqı komitəsi nəzdində yaradılmış əmək mübahisələrinə baxan komissiyanın qərarlarının yerinə yetirilməsini təmin etmək;

2.2.12. Təhsil işçilərinin səhhəti, ailə vəziyyəti və digər zəruri səbəblərlə əlaqədar Əmək Məcəlləsinin 31.3 və 129-cu maddələrinə əsasən 6 (altı) aya qədər ödənişsiz məzuniyyətin müvafiq həmkarlar ittifaqı komitəsinin rəyi əsasında verilməsini təmin etmək;

2.2.13. İşəgötürənin təşəbbüsü ilə təhsil müəssisəsində  çalışan həmkarlar ittifaqı üzvlərinin hər hansı səbəbdən əmək müqaviləsinə xitam verilərkən müəssisənin həmkarlar ittifaqı komitəsinin qabaqcadan razlığını almaqla həyata keçirilməsini, həmkarlar komitəsinin sədrinin yuxarı həmkarlar ittifaqı orqanının razlığı əsasında tutduğu vəzifədən azad edilməsini təmin etmək;

2.2.14. Azərbaycan Respublikası Nazirlər Kabinetinin 1994-cü il 10 may tarixli 185 nömrəli Qərarı ilə təsdiq edilmiş  “Azərbaycan Respublikasında əlilliyi olan şəxslərin problemləri üzrə kompleks Proqram”ın 5.4-cü bəndinin dördüncü abzasına uyğun olaraq kollektivdə işləyən orqanizmin funksiyalarının 31-60 faiz pozulmasına görə və ya əlilliyi müəyyən olunmuş uşaqların əmək haqqının (tarif dərəcəsinin) digər işçilərə nisbətən 15 faiz, orqanizmin funksiyalarının 61-100 faiz pozulmasına görə və ya əlilliyi müəyyən edilmiş uşaqların əmək haqqının isə 25 faiz artırılmasını ərizə ilə müraciət etdiyi tarixdən əsas iş yeri üzrə təmin etmək;

2.2.15.  Sağlamlıq imkanları məhdud, inklüziv təhsili həyata keçirən, valideynlərini itirmiş və ya valideyn himayəsindən məhrum, ciddi tərbiyə şəraitinə ehtiyacı olan uşaqlar üçün xüsusi təhsil müəssisələrinin, istedadlı uşaqlar üçün təhsil müəssisələrinin, eləcə də yüksək dağlıq və sərhədyanı ərazilərdə, ucqar yaşayış məntəqələrində çalışan təhsil işçilərinin əmək haqlarına və vəzifə maaşlarına qanunvericiliklə müəyyən edilmiş qaydada əlavələr olunmasını təmin etmək;

2.2.16.  Xüsusi istedadı ilə fərqlənən təhsil alan şəxslər üçün adlı və məqsədli təqaüdləri təsis etmək.

2.1.17. Təhsil müəssisəsində yaradılan pedaqoji şuraların iclaslarında, idarəetmə orqanlarında, həmkarlar ittifaqı komitəsinin nümayəndələrinin iştirakını təmin etmək;

2.2.18. Məktəbdə şagirdlərin təhsildən yayınması hallarının qarşısının alınması məqsədilə icra hakimiyyəti, həmkarlar ittifaqı və təhsil orqanlarının nümayəndələrindən ibarət komissiyalar yaratmaq və bu işlərə ciddi nəzarət etmək;

2.2.19. İttifaq üzvlərinin əmək, sosial iqtisadi və digər hüquqlarının yerinə yetirilməsinin vəziyyəti ilə tanışlıq məqsədilə həmkarlar ittifaqı komitəsinə hər cür şərait yaratmağı və lazımı sənədləri, arayış və məlumatları təqdim etmək;

2.2.20. Təhsil müəssisəsinin rəhbərliyi tərəfindən verilmiş əmr (sərəncam, qərar) nəticəsində işçinin hüquq və qanuni mənafeləri pozularsa, həmkarlar ittifaqı  komitəsinin əsaslı tələbi ilə işçinin pozulmuş hüquqlarının bərpasını təmin etmək;

2.2.21. Müəssisənin ləğv edilməsi, işçilərin sayının və ya ştatların ixtisar edilməsi ilə əlaqədar olaraq işçilərin sərbəstləşdirilməsi Azərbaycan Respublikasının Əmək Məcəlləsində nəzərdə tutulan hallar istisna olmaqla, müvafiq həmkarlar ittifaqı təşkilatlarına qabaqcadan (azı 3 ay əvvəl) yazılı məlumat verməklə, işçilərin hüquqlarının və mənafelərinin gözlənilməsi barədə onlarla danışıqlar aparılmaqla həyata keçirmək;

2.2.22. İşçilərin sayı azaldılarkən və ya ştatların ixtisarı həyata keçirilərkən işdən azad olunan işçilərin digər təhsil müəssisələrində boş iş yerlərində işlə təmin olunmasına yardım göstərmək;

2.2.23. İşçilərin ixtisarı zamanı işdə saxlanmağa üstünlüyü olan şəxslərin siyahısına yaşa görə pensiyaya çıxmasına bir il qalanları, uşaqları anadangəlmə və ya körpəlikdən əlil olan valideynləri və cəbhə bölgələrində xidmət edən əsgərlərin həyat yoldaşlarını və  valideynlərini daxil etmək;

2.2.24.  işçilərin sayı və ya ştatları ixtisar edildikdə, işçi özünün əmək funksiyasını və ya əmək müqaviləsi üzrə öhdəliklərini yerinə yetirmədikdə, habelə  işçi əmək vəzifələrini kobud şəkildə pozduqda işəgötürən tərəfindən müəssisədə çalışan İttifaq üzvlərinin əmək müqaviləsinə xitam verilərkən müəssisənin ilk həmkarlar ittifaqı təşkilatının qabaqcadan razılığını almaqla həyata keçirilməsini, müvafiq  ilk həmkarlar ittifaqı təşkilatının sədrini isə yuxarı həmkarlar ittifaqı təşkilatının razılığı əsasında tutduğu vəzifədən azad edilməsini təmin etmək;

2.2.25. Həmkarlar ittifaqı komitəsinin ştatlı işçilərinin ixtisasları üzrə təhsil müəssisələrində əvəzçilik qaydasında işləmələrini təmin etmək;

2.3. Həmkarlar ittifaqı komitəsinin öhdəlikləri

2.3.1. Təhsil müəssisəsində çalışan işçilərin mənafelərini müvafiq dövlət strukturlarında təmsil etmək, onların əmək, sosial,iqtisadi və digər hüquqlarının müdafiəsini təmin etmək;

2.3.2. Müəssisə rəhbərləri tərəfindən Əmək və həmkarlar ittifaqları haqqında, habelə sosial, iqtisadi məsələlər barədə qanunvericiliyə əməl olunmasına nəzarət etmək və aşkar edilmiş pozuntuların aradan qaldırılmasını tələb etmək;

2.3.3. Həmkarlar ittifaqı təşkilatının nəzdində yaradılmış fərdi əmək mübahisələrinə baxan komissiyaların qərarlarının qanuna uyğun olmasına nəzarət etmək;

2.3.4. Əmək qabiliyyətinin müvəqqəti itirmiş işçilərə müavinətin düzgün hesablanması və ödənilməsinə nəzarət etmək;

2.3.5. Təhsil müəssisəsində işəgötürən tərəfindən işçilərin əmək haqlarının düzgün hesablanması və ödənilməsinə nəzarət etmək;

2.3.6. Təhsil müəssisəsində işəgötürənlə işçi arasında qanunvericiliyə uyğun əmək müqaviləsinin bağlanması, dəyişdirilməsi və ləvğ edilməsinə nəzarət etmək;

2.3.7. Təhsil müəssisəsində bağlanmış kollektiv və əmək müqavilələrinin şərtlərinin yerinə yetirilməsinə, işçilərin daxili intizam qaydalarına riayət etməsinə nəzarət etmək, bu məqsədlə yoxlamalar aparmaq və nəticələri komitə iclaslarında müzakirə etmək.

III. Əməyin mühafizəsi sahəsində

3.1.Təhsil müəssisəsinin öhdəlikləri

3.1.1. Təqvim  ilinin əvvəlindən işçilərinin əmək şəraitini, təhsil müəssisəsində baş vermiş bədbəxt hadisələr, peşə və ümumi xəstəliklərin səbəblərini araşdırılması üçün tədbirlər planının hazırlanmasını təmin etmək;

3.1.2. Əməyin mühafizəsi üzrə tədbirlərin yerinə yetirilməsi, o cümlədən işçilərin təhlükəsizlik qaydaları ilə təlimatlandırılması, iş yerlərinin attestasiyasının keçirilməsi üçün müəssisənin maliyyə mənbələrindən müvafiq məbləğdə vəsaitin ayrılmasını təmin etmək;

3.1.3. Əmək şəraiti zərərli, ağır olan işlərdə çalışan işçilərə mövcud qanunvericiliyin tələbləri gözlənilməklə xüsusi geyim, fərdi mühafizə vasitələri verilməsini və həmçinin əlavə əmək haqqı ödənilməsini təmin etmək;

3.1.4. Həyat üçün yüksək təhlükə mənbəyi olan işçilərdə çalışan işçilərin işəgötürənlər tərəfindən bədbəxt hadisələrdən və peşə xəstəliklərindən icbari sığorta olunmalarını təmin etmək;

3.1.5. Təhsil müəssisində baş vermiş bədbəxt hadisələr nəticəsində əmək qabiliyyətinin tam və ya qismən itirmiş işçiyə qanunvericilikdə nəzərdə tutulmuş qaydada müavinətın ödənilməsini təmin etmək;

3.1.6. Əməyin mühafizəsi, bədbəxt hadisələrin və peşə xəstəliklərinin araşdırılması  məqsədilə həmkarlar ittifaqı orqanları nümayəndələrinin təhsil müəssisəsinə maneəsiz buraxılmasını təmin etmək;

3.1.7. İşçilərin əmək haqqı saxlanılmaqla vaxtaşırı ilkin, məcburi tibbi müayinədən keçmələrinin təmin edilməsinə nəzarət etmək.

3.1.8. İşçilərin əməyin mühafizəsini təmin etmək məqsədi ilə təlimatların və digər materialların hazırlanmasını təşkil etmək;

3.2. Həmkarlar ittifaqı komitəsinin öhdəlikləri:

3.2.1.  İşəgötürənlər və işçilər tərəfindən əməyin mühafizəsi ilə əlaqədar qanunvericiliyə, texniki təhlükəsizlik qaydalarına əməl olunmasına, əməyin mühafizəsi və iş şəraitinin yaxşılaşdırılmasına nəzarət etməli;

3.2.2. İş yerlərində zərərli və təhlükəli amillər haqqında məlumatları işçilərin nəzərinə çatdırmaq;

3.2.3. Təhlükəsiz və sağlam əmək şəraitinin yaradılması üçün həmkarlar ittifaqı üzvlərinə praktiki kömək etmək, ittifaq üzvlərinin maraqlarını dövlət hakimiyyəti orqanlarında və məhkəmələrdə təmsil etmək;

3.2.4.   Əməyin mühafizəsi qaydalarına uyğun olan sağlam və təhlükəsiz əmək şəraiti yaradılması üçün iş yerlərində qızdırıcı, ventilyasiya və işıqlandırma sistemlərinin normal işləməsinin təmin olunmasını, habelə işçilərin səhhətinə mənfi təsir göstərən güclü səs, titrəmə və şüalanma kimi amillərin zərərli təsirlərinin aradan qaldırılmasını təmin etmək;

3.2.5. Əməyin mühafizəsi sahəsində aşkara çıxarılmış pozuntuların aradan qaldırılmasını vəzifəli şəxslərdən tələb etməyi, habelə təqsirkar şəxslərin məsuliyyətə cəlb edilməsi barədə işəgötürən qarşısında məsələ qaldırmağı.

IV. Mənzil-məişət, mədəni-kütləvi və idman işləri sahəsində

4.1. Təhsil müəssisəsinin öhdəlikləri

4.1.1.  Təhsil müəssisəsində pedaqoji işçilər üçün təşkil edən müxtəlif  mədəni-kütləvi və idman tədbirlərinin həyata keçirilməsinə köməklik göstərmək və həmin tədbirlərin keçirilməsi üçün müvafiq binaların, qurğuların, zalların, idman obyektlərinin və digər vasitələrin təmənnasız olaraq həmkarlar ittifaqı üzvlərinin istifadəsinə vermək;

4.1.2. Təhsil müəssisində olan bufet və yeməkxanalarda normal şəraiti yaratmaq, lazımı mebel və avadanlıqlarla təchiz etmək, ekoloji və sanitar-gigiynik normalara uyğun olmasını təmin etmək;

4.1.3.   Bilik günü və Beynəlxalq Müəllimlər Günü ilə əlaqədar birgə tədbirlərin keçirilməsini təşkil etmək.

4.1.4. Təhsil müəssisində gender bərabərliyinin gözlənilməsini təmin etmək.

4.2. Həmkarlar İttifaqı komitəsinin öhdəlikləri:

4.2.1. Xalqımızın milli bayramlarını və tarixi günlərini həmkarlar ittifaqı üzvlərinin iştirakı ilə keçirilməsini təmin etmək;

4.2.2. Uzun müddət təhsil sahəsində qüsursuz və səmərəli çalışan təhsil işçilərinin yubileylərinin keçirilməsini təşkil etmək;

4.2.3. Üzvlər arasında müxtəlif  idman növləri üzrə yarışların keçirilməsini təşkil etmək;

4.2.4. Müxtəlif səbəblər üzündən çətin maliyyə vəziyyətinə düşmüş üzvlərə maddi yardım göstərmək;

4.2.5    Müəssisələrdə çalışan ittifaq üzvü olan əmək veteranlarına təşkilatın maliyyə imkanları daxilində hər il birdəfəlik maddi yardım göstərmək;

4.2.6    əmək, müharibə əlillərinə əlavə güzəştlərin və kompensasiyaların təyin edilməsinə nəzarət etmək;

4.2.7. Üzvlərin asudə vaxtlarının səmərəli təşkili üçün respublikanın müxtəlif yerlərinə səyahət və ekskursiyalar təşkil etmək;

4.2.8. Təhsil müəssisində ictimai-iaşə müəssisələrinin təmizliyinə, uşaq qidasının sanitar-gigiyenik normalara uyğunluğuna, bufet və yeməkxanaların isti və soyuq su ilə təmin edilməsinə, normal işıqlandırılmasına nəzarət etmək;

4.2.9. Təhsil müəssisə rəhbərliyi ilə birlikdə müxtəlif müsabiqələrin keçirilməsini təşkil etmək.

V. İşçilərin sosial mühafizə və sağlamlıqlarının qorunması sahəsində

  5.1. Təhsil müəssisəsinin öhdəlikləri:

5.1.1. Təhsil müəssisəsinin işçilərinə qanunvericilikdə nəzərdə tutulmuş iş şəraitinin yaradılmasını təmin etmək;

6.1.2. işləyən qadınlara, hamiləliyə və doğuşa, həmçinin uşağa qulluğa görə qanunvericilikdə nəzərdə tutulmuş imtiyazlardan əlavə, doğuşdan sonrakı məzuniyyət bitdikdən sonra zərurət yarandığı hallarda Əmək Məcəlləsinə əsasən 14 gün müddətində ödənişsiz, müəssisənin maliyyə imkanı olduqda isə ödənişli məzuniyyət verilməsini, hamilə qadınlar üçün onların istəkləri nəzərə alınmaqla iş qrafikinin (rejiminin) tərtib edilməsi üçün digər tədbirlərin həyata keçirilməsini təmin etmək;

5.1.2. Aşağıdakılarla əlaqədar   işçilərə   müəssisənin   maliyyə   imkanları daxilində əmək haqqı saxlanılmaqla işə çıxmamasına razılıq  verilməsini təmin etmək:

- uşaq anadan olduqdan sonra ataya - 5 iş günü;

- işçinin toyu olduqda  - 5 iş günü;

- yaxın qohumu vəfat etdikdə- 5 iş günü;

- uşağı ilk dəfə 1-ci sinifə gedən valideyinə-1 iş günü;

- digər zəruri hallarla bağlı  (şəxsi iş, ad günü, ailə vəziyyəti, səhhəti ilə bağlı)-ayda 2 iş günü.

5.1.3. Tədris ili ərzində işçinin müalicəyə ehtiyacı olduğu zaman ona lazımı köməklik göstərmək, sanatoriya-kurort müalicəsi üçün yollayış verildiyi halda ona ödənişli məzuniyyətin cədvəlindən kənar verilməsini təmin etmək;

5.2. Həmkarlar İttifaqı komitəsinin öhdəlikləri:

5.2.1. Ehtiyacı olan təhsil işçilərini pansionat və sanatoriyalara müvafiq yollayış ilə təmin etmək;

5.2.2. Müəssisədə çalışan işçilərin sağlamlıqlarının mühafizəsinə nəzarət etmək;

5.2.3. Təhsil müəssisində işçilərin məcburi sosial sığorta olunmalırına nəzarət etmək;

5.2.4. Müəssisələrdə çalışan ittifaq üzvü olan əmək veteranlarına təşkilatın maliyyə imkanları daxilində hər il birdəfəlik maddi yardım göstərmək.

VI. Həmkarlar ittifaqı təşkilatının normal fəaliyyəti sahəsində

 6.1.Təhsil müəssisəsinin öhdəlikləri

6.1.1. Həmkarlar ittifaqı təşkilatının normal fəaliyyəti üçün onları otaq, rabitə,mebel və digər kommunal xidmətləri ilə təmin etmək  və bu xidmətlərin xərclərini ödəmək;

6.1.2. Müəssisənin sərəncamında olan və icarəyə götürülən müvafiq otaq, zal, klub, kitabxana və digər mədəni-kütləvi tədbirlər keçirilən yerlərin təmannasız olaraq həmkarlar ittifaqı təşkilatının istifadəsinə verilməsinə şərait yaratmaq;

6.1.3    Tabeliyində olan müəssisələrdə istifadə olunmayan nəqliyyat və rabitə vasitələrini həmkarlar ittifaqı təşkilatlarının müvəqqəti istifadəsinə pulsuz verməklə, nəqliyyat, rabitə - vaxtında ödəmək;

6.1.4. Həmkarlar ittifaqı orqanlarına seçilən fəalların orta aylıq əmək haqqını saxlamaq şərti ilə müxtəlif  kurslarda və seminarlarda ixtisaslarının artırılması üçün müvafiq şərait yaratmaq;

6.1.5. Həmkarlar ittifaqı üzvlərinin aylıq üzvlük haqqının ittifaqın dövlət qeydiyyatından keçmiş  Nizamnaməsinə uyğun olaraq, mərkəzləşmiş qaydada tutulmasını və hər ay rayon və respublika həmkarlar ittifaqı təşkilatının müvafiq hesablarına köçürməyi təmin etmək.

6.2. Həmkarlar İttifaqı komitəsinin öhdəlikləri

6.2.1. Müəssisə rəhbərləri ilə öz fəaliyyətini qarşılıqlı əməkdaşlıq əsasında qurmağı;

6.2.2. İttifaq üzvlərinin səmərəli istirahətinin təşkili üçün ittifaqın büdcəsinə və təşkilatın qərarına uyğun məbləğdə vəsait ayırmağı;

6.2.3.  Təşkilatın xərclər smetasında nəzərdə tutulmuş vəsaitlərin düzgün xərclənməsi barədə kollektiv qarşısında hesabat vermələrinə nəzarət etməyi.

_____________ rayonu ____tam orta ümumtəhsil

                                              məktəbin direktoru:                              _______________________

__________ rayonu ________ tam orta ümumtəhsil

məktəbin ilk həmkarlar ittifaqı təşkilatının sədri:                              ______________________

_______________ rayonu                             17  noyabr  2025-ci il