Əmrlər- Yay dövründə məktəbdən gedən şagirdlərin ÜTİS-də kontingentdən çıxarılması barədə

Sənəd Faylları bölməsindən əmr nümunəsini endirin və öz məktəbinizə uyğunlaşdırın.

Bu əmr yay dövründə məktəbdən gedən şagirdlərin uçotunu düzgün aparmaq və ÜTİS məlumatlarını faktiki şagird sayı ilə uyğunlaşdırmaq üçün verilir. Əmrdə yay dövrünün konkret tarixləri göstərilməlidir. IX və XI sinifləri bitirən məzunlar bu əmrə daxil edilməməli, onların uçotu ayrıca qaydada aparılmalıdır. Şagird yalnız şifahi məlumat əsasında ÜTİS-də məktəbin kontingentindən çıxarılmamalıdır. Ölkə daxilində başqa məktəbə gedən şagirdin yerdəyişməsi elektron sistemdə tamamlanmalı və qəbul edən məktəb tərəfindən təsdiqlənməlidir. Xaricə köçən şagird barədə valideynin ərizəsi və ya köçməni təsdiq edən digər rəsmi sənəd olmalıdır. Ailə məktəbə məlumat vermədən xaricə getdikdə məsələ məktəb rəhbərliyi, sinif rəhbəri və aidiyyəti əməkdaşların iştirakı ilə aktlaşdırılmalı, şagirdin şəxsi işi məktəbdə saxlanılmalıdır. Ünvanın dəyişməsi, şagirdlə əlaqənin olmaması və ya onun dərsə gəlməməsi kontingentdən çıxarılma üçün əsas sayılmır. Əmrdə şagirdin adı və soyadı, oxuduğu sinif, getdiyi məktəb və ya ölkə, eləcə də ÜTİS-də statusun dəyişdirildiyi tarix dəqiq göstərilməlidir. Statusun dəyişdirilməsi tarixi yerdəyişmənin elektron sistemdə tamamlandığı və ya xaricə köçmənin rəsmiləşdirildiyi tarixə uyğun olmalıdır.