Əmrlər- Yay dövründə yeni gələn şagirdlərin ÜTİS-də məktəbin kontingentinə daxil edilməsi barədə

Sənəd faylları bölməsindən əmrin nümunəsini endirin və öz məktəbinizə uyğunlaşdırın

Bu əmr yay dövründə məktəbə yeni gələn şagirdlərin uçotunu düzgün aparmaq və ÜTİS məlumatlarını faktiki şagird sayı ilə uyğunlaşdırmaq üçün verilir. Əmr başqa məktəbdən və ya xaricdən gələn şagirdlərə aid edilir. I sinfə ilkin qəbul olunan uşaqlar ayrıca qəbul əmri ilə rəsmiləşdirilməli və bu əmrə daxil edilməməlidir. Direktorun əmri qəbul və ya yerdəyişmə prosedurunu əvəz etmir, yalnız tamamlanmış prosedurun nəticəsini məktəbdə rəsmiləşdirir. Ölkə daxilində başqa məktəbdən gələn şagirdin elektron yerdəyişmə prosesi tamamlandıqdan sonra onun məktəbin kontingentinə daxil edilməsi təmin olunmalıdır. Xaricdən gələn şagirdin qəbulu valideynin müraciəti və təqdim edilmiş təhsil sənədləri əsasında rəsmiləşdirilməlidir. Təhsil sənədləri təqdim edilmədikdə şagirdin sinfi direktorun şəxsi qərarı ilə deyil, müəyyən edilmiş qiymətləndirmə və aidiyyəti təhsil orqanının rəyi əsasında müəyyən olunmalıdır.