Fizika kabinet müdirinin vəzifə  Təlimatı (layihə)

__________ Regional Təhsil İdarəsi

________ rayon (şəhər) ________________ tam orta məktəb

Fizika kabinet müdirinin vəzifə  Təlimatı (layihə)

(Bu təlimat Məktəbin Pedaqoji Şurasının _________ tarixli №-li iclasında müzakirə edilmiş və məktəb direktorunun _______ tarixli ________ №-li əmri ilə təsdiq edilmişdir)

1. Ümumi müddəalar

1.1. Fizika fənn kabineti müdiri (bundan sonra Kabinet müdiri) məktəbdə fizika kabinetinin tədris, laborator-praktik və maddi-texniki təminatının təşkilinə, avadanlıq və resursların qorunmasına, kabinetdə təhlükəsiz iş mühitinin saxlanmasına görə məsul olan pedaqoji işçidir.

1.2. Kabinet müdiri, adətən fizika fənnini tədris edən müəllimlər arasından məktəb direktorunun əmri ilə təyin olunur və işinin ümumi təşkili üzrə məktəb direktoruna tabedir. Kabinet müdiri kabinetin tədris üzrə təminatı, sənədləşməsi və gündəlik icra intizamı barədə tədris işləri üzrə direktor müavini ilə sistemli əlaqə saxlayır.

1.3. Bu Təlimatın icrasına ümumi nəzarət məktəb direktoruna məxsusdur. Təlimatın gündəlik icra nəzarəti və fizika fənn kabinetinin tədris üzrə təminat fəaliyyətinin yoxlanılması tədris işləri üzrə direktor müavininə həvalə edilir.

1.4. Kabinet müdiri fizika müəllimləri ilə kabinetdən istifadə, avadanlığın hazırlanması və qaytarılması, təhlükəsizlik qaydalarının tətbiqi məsələlərini koordinasiya edir, işin gedişində zəruri təşkilati razılaşdırma aparır və icra intizamının qorunmasına dəstək verir.

1.5. Kabinet müdiri şagirdlərlə dərsdə aparılan təcrübə və laborator işlər zamanı müəllimi əvəz etmir. Təcrübənin pedaqoji aparıcılığı və şagirdlərin davranışına birbaşa nəzarət dərsi aparan müəllimin üzərində qalır. Kabinet müdiri dərs zamanı yalnız zəruri hallarda resurs və təhlükəsizliklə bağlı texniki-təşkilati dəstək göstərir və müəllimin dərs gedişinə müdaxilə etmədən işi təmin edir.

1.6. Kabinet müdiri fəaliyyətində qüvvədə olan təhsil qanunvericiliyini, məktəbin nizamnaməsini, daxili intizam qaydalarını, əməyin mühafizəsi və yanğın təhlükəsizliyi tələblərini, habelə bu Vəzifə Təlimatını rəhbər tutur.

1.7. Kabinet müdiri müvəqqəti olmadıqda onun funksiyalarının icrası məktəb direktorunun əmri ilə fizika müəllimlərindən birinə həvalə edilir.

1.8. Kabinet müdiri dəyişdikdə kabinetin inventarı, açar rejimi və sənədləri təhvil-təslim aktı ilə yeni məsul şəxsə verilir. Aktda inventar siyahısı, nasaz və istifadəsi dayandırılmış avadanlıq siyahısı, kabinet sənədləri və açarların sayı göstərilir. Təhvil-təslim zamanı inventar siyahısı nömrələnmiş və imzalanmış formada aktın əlavəsi kimi rəsmiləşdirilir.

1.9. Məktəbdə fizika fənn kabinetinin laborantı olduqda laborantın gündəlik texniki işi Kabinet müdiri tərəfindən planlaşdırılır və koordinasiya olunur. Laborant avadanlığın hazırlanması, quraşdırılması, yığışdırılması, təmizliyi, saxlanması və sadə texniki yoxlamalara görə məsuliyyət daşıyır. Dərsin pedaqoji idarə edilməsi və şagirdlərlə birbaşa nəzarət laborantın funksiyası hesab edilmir.

2. Kabinet müdirinin vəzifəsinin məqsədi və fəaliyyət sahəsi  

2.1. Kabinet müdiri vəzifəsinin məqsədi fizika fənn kabinetində tədris və laborator işlərin planlı təşkili, resursların səmərəli idarə edilməsi və təhlükəsiz mühitin təmin olunmasıdır.

2.2. Kabinet müdiri aşağıdakı fəaliyyət sahələri üzrə iş aparır:
2.2.1. tədris resurslarının idarə edilməsi və təminatı
2.2.2. laborator-praktik işlərin təşkilati hazırlığı və koordinasiyası
2.2.3. avadanlığın qorunması, uçotu, təmir və profilaktikası
2.2.4. təhlükəsizlik və risklərin idarə edilməsi
2.2.5. kabinet sənədləşməsi və hesabatlılıq
2.2.6. fizika müəllimləri ilə, məktəbdə laborant olduqda isə laborantla işin qurulması

3. Kabinet müdirinin ixtisas tələbləri 

3.1. Kabinet müdiri vəzifəsinə fizika fənnini tədris edən, pedaqoji fəaliyyətdə səriştəsi olan, intizamlı və məsuliyyətli müəllim təyin olunur.

3.2. Kabinet müdiri əməyin mühafizəsi və texniki təhlükəsizlik üzrə təlimatlandırmadan keçməli, kabinetdə istifadə olunan avadanlıqların təhlükəsiz istismarı üzrə praktiki biliklərə malik olmalıdır.

3.3. Kabinet müdiri inventar uçotu, saxlanma rejimi, avadanlığın təhvil-təslim qaydaları və riskli avadanlıqla davranış üzrə daxili qaydaları bilməlidir.

4. Məsuliyyət sərhəsləri və əməkdaşlıq 

4.1. Kabinet müdiri kabinetin resurslarının qorunmasına, uçotuna, saxlanma rejiminə, avadanlığın istifadəyə hazırlığına və kabinetdə təhlükəsiz texniki şəraitin təmininə görə məsuliyyət daşıyır.

4.2. Fizika müəllimi dərsin keçirilməsinə, təlim nəticələrinə, şagirdlərin davranışına, sinif intizamına və laborator işin pedaqoji idarə edilməsinə görə məsuliyyət daşıyır.

4.3. Məktəbdə laborant olduqda laborant avadanlığın hazırlanması, quraşdırılması, yığışdırılması, təmizliyi, saxlanması və sadə texniki yoxlamalara görə məsuliyyət daşıyır. Pedaqoji nəzarət və şagirdlərlə iş laborantın funksiyası hesab edilmir.

4.4. Kabinet müdiri – müəllim – laborant xəttində iş bölgüsü aşağıdakı kimi qorunur:
4.4.1. Kabinet müdiri resurs və təhlükəsizlik şərtlərini təşkil edir, sənədləşməni qurur, koordinasiyanı aparır
4.4.2. Müəllim dərsin gedişini idarə edir, laborator işin metodikasını aparır, şagirdlərə birbaşa nəzarət edir
4.4.3. Laborant texniki hazırlıq işlərini görür, avadanlığı hazır vəziyyətə gətirir, yığışdırır, nasazlıq və riski operativ bildirir

5. Tabelik və qarşılıqlı əlaqə 

5.1. Kabinet müdiri fəaliyyətini məktəb rəhbərliyinin təşkilati göstərişlərinə uyğun qurur və tədris işləri üzrə direktor müavini ilə sistemli əlaqə saxlayır.

5.2. Kabinet müdiri – fizika müəllimləri ilə işin qurulması

5.2.1. Tədris ilinin əvvəlində fizika müəllimləri ilə birlikdə laborator və praktiki işlərin siyahısını dəqiqləşdirir.

5.2.2. Hər yarımil üçün “Laborator işlərin təminat planı”nı tərtib edir və tədris işləri üzrə direktor müavini ilə razılaşdırır.

5.2.3. Hər laborator və nümayiş işi üçün müəllimdən əvvəlcədən “Laborator iş sifarişi” alır. Sifariş, qayda olaraq, ən geci dərsdən 24 saat əvvəl təqdim edilir. Zəruri hallarda eyni gün operativ razılaşdırma mümkündür.

5.2.4. Sifarişdə mövzu, tarix, sinif, lazım olan avadanlıq, risklər və xüsusi göstərişlər qeyd olunur. Zərurət olduqda sifarişdə avadanlığın elektrik şəbəkəsinə qoşulması tələbi və alternativ fəaliyyət seçimi də göstərilə bilər.

5.2.5. Kabinetdən istifadə cədvəlini müəllimlərlə razılaşdırır və kabinetdə görünən yerdə yerləşdirir.

5.2.6. Laborator iş bitdikdən sonra avadanlığın qaytarılması “Təhvil-təslim siyahısı” üzrə həyata keçirilir.

5.2.7. İtki, qırılma, zədələnmə və nasazlıq halları dərhal qeydə alınır və tədris işləri üzrə direktor müavininə operativ məlumat verilir.

5.3. Məktəbdə fizika fənn kabinetinin laborantı olduqda kabinet müdiri ilə işin qurulması

5.3.1. Laborantın gündəlik texniki işlərini planlaşdırır, prioritetləri müəyyən edir və icranı izləyir.

5.3.2. Avadanlığın hazırlanması, quraşdırılması, yığışdırılması, təmizliyi, saxlanması və sadə texniki yoxlamalar laborantın əsas funksiyası kimi müəyyənləşdirilir.

5.3.3. Laborantın aşkar etdiyi nasazlıq və risklər “Nasazlıq və risk bildirişi” ilə rəsmiləşdirilir və zərurət olduqda həmin gün tədris işləri üzrə direktor müavininə qısa arayış təqdim olunur.

5.3.4. Laborantın doldurduğu “Gündəlik texniki yoxlama vərəqi” Kabinet müdiri tərəfindən izlənilir. Uyğunsuzluq davamlı xarakter alarsa səbəb və tədbirlər üzrə qeyd aparılır və müavin məlumatlandırılır.

5.4. Kabinet müdiri – təsərrüfat işləri üzrə direktor müavini ilə iş

5.4.1. Təmir və profilaktika ehtiyaclarını əsaslandırılmış siyahı şəklində təqdim edir.

5.4.2. Avadanlığın alınması üçün texniki tələblər və say üzrə təklif hazırlayır.

5.4.3. Riskli avadanlığın istismardan çıxarılması barədə arayış verir.

5.4.4. Elektrik təsərrüfatına müdaxilə tələb edən hallarda işi yalnız səlahiyyətli şəxs vasitəsilə təşkil edir.

6. Kabinet müdirinin əsas vəzifə fünksiyaları 

6.1. Tədris resurslarının idarə edilməsi

6.1.1. Fizika fənn kabinetinin avadanlıq, cihaz, ölçü alətləri, tədris vəsaitləri və sərf materialları üzrə təminatını planlaşdırır və izləyir.

6.1.2. Mövzulara uyğun avadanlığın mövcudluğunu və işləkliyini əvvəlcədən yoxlayır.

6.1.3. Laborator və praktiki dərslər üçün avadanlığı hazır dəst prinsipi ilə komplektləşdirir.

6.1.4. Kabinetdə avadanlığın saxlanma yerini, rəf-bölmə işarələnməsini və qaytarılma qaydasını müəyyən edir.

6.1.5. Avadanlığın kabinetdən çıxarılmasına yalnız təhvil-təslim siyahısı ilə yol verir.

6.1.6. Avadanlıq tam qaytarılmadıqda və ya itki aşkarlandıqda dərhal qeydə alır, müəllimlə birlikdə dəqiqləşdirmə aparır və tədris işləri üzrə direktor müavininə məlumat verir.

6.1.7. Zədələnmə hallarında faktlar “Təhvil-təslim siyahısı”nda qeyd olunur, zərurət olduqda akt hazırlanması üçün materiallar toplanır.

6.2. Laborator və praktiki işlərin təşkilati təminatı

6.2.1. Laborator işlərin təşkili üçün kabinetin iş planını tərtib edir və tədris işləri üzrə direktor müavini ilə razılaşdırır.

6.2.2. Laborator işlərə hazırlıq zamanı riskli komponentləri əvvəlcədən müəyyən edir və müəllimlə razılaşdırır.

6.2.3. Laborator işlərin keçirilməsi üçün minimal təhlükəsizlik şərtlərinin yerinə yetirilməsini təmin edir.

6.2.4. Laborator işlərdən sonra avadanlığın təmizliyi, yığılması, saxlanması və qaytarılmasına nəzarət edir.

6.3. Təhlükəsizlik və risklərin idarə edilməsi

6.3.1. Kabinetdə təhlükəsizlik və istifadə qaydalarının tətbiqini təşkil edir. Fizika fənn kabinetinin daxili təhlükəsizlik və istifadə qaydaları ayrıca sənəd kimi tərtib olunur və kabinetdə görünən yerdə yerləşdirilir.

6.3.2. Kabinet üzrə minimal təhlükəsizlik komplektinin mövcudluğunu və işlək vəziyyətini nəzarətdə saxlayır:
6.3.2.1. keçidlərin və təxliyə istiqamətlərinin açıq olması
6.3.2.2. elektrik uzadıcı və şəbəkə elementlərinin təhlükəsiz istifadəsi
6.3.2.3. nasaz avadanlığın ayrılması üçün ayrıca zona və ya qutu
6.3.2.4. xəbərdarlıq nişanları və işarələmə
6.3.2.5. kabinetdə səliqə və təhlükəsiz yerləşdirmə rejimi

6.3.3. Nasaz və risk yaradan avadanlıq aşkarlandıqda həmin avadanlığın istifadəsini dayandırır, müvəqqəti bloklayır və rəhbərliyə arayış təqdim edir.

6.3.4. Kabinetdə keçidlərin açıq olmasına, təhlükəsizlik vasitələrinin əlçatanlığına və riskli avadanlığın düzgün saxlanmasına nəzarət edir.

6.3.5. Kabinetdə təhlükəsizlik hadisəsi baş verdikdə ilkin faktları toplayır, qeydə alır və rəhbərliyə təqdim edir.

6.3.6. Nasaz və ya təhlükə yaradan avadanlıq səbəbindən laborator işin keçirilməsi mümkün olmadıqda Kabinet müdiri dərsi aparan müəllimə məsələni dərhal bildirir, avadanlığı istifadədən çıxarır və həmin gün tədris işləri üzrə direktor müavininə qısa arayış təqdim edir. Müəllimlə birlikdə alternativ fəaliyyət seçilir və dərsin gedişi dayandırılmadan təşkil olunur.

6.3.7. Laborator iş zamanı şagirdlərin fərdi cihazlardan istifadəsi və telefonla foto-video çəkilişi dərsi aparan müəllim tərəfindən tənzimlənir. Kabinet müdiri təhlükəsizlik riski gördükdə müəllimi məlumatlandırır və zəruri tədbirlərin görülməsinə dəstək verir.

6.4. Avadanlığın uçotu və qorunması

6.4.1. Kabinetin inventar uçotunu aparır və mütəmadi yeniləyir.

6.4.2. Avadanlığın qəbulunu, yer dəyişməsini, təmirə verilməsini və istismardan çıxarılmasını qeydə alır.

6.4.3. Tədris ilinin əvvəlində və sonunda inventarlaşma aparır və nəticəni arayışla rəsmiləşdirir.

6.4.4. İnventardan silinmə, riskli avadanlığın yerinin dəyişdirilməsi və elektrik xəttinə müdaxilə tələb edən işlər yalnız rəhbərliyin razılığı ilə həyata keçirilə bilər. Razılıq məktəbdaxili qaydalara uyğun olaraq yazılı tapşırıq, təqdimat məktubu və ya müvafiq aktla rəsmiləşdirilir.

6.5. Təmir, profilaktika və inkişaf planı

6.5.1. Kabinet avadanlığının texniki vəziyyətini izləyir və profilaktika ehtiyaclarını müəyyən edir.

6.5.2. Təmir tələb edən avadanlıq üzrə siyahı hazırlayır, prioritetləşdirir və təsərrüfat işləri üzrə direktor müavininə təqdim edir.

6.5.3. Kabinetin inkişafı üçün perspektiv təchizat planı hazırlayır və prioritetləri əsaslandırır.

6.5.4. Avadanlıq alınması üçün texniki tələbləri yazır və qəbul prosesində iştirak edir.

6.6. Sənədləşmə və hesabatlılıq

6.6.1. Kabinet üzrə aşağıdakı sənədlərin aparılmasını təmin edir:
6.6.1.1. kabinet pasportu
6.6.1.2. inventar siyahısı və inventar dəyişiklikləri jurnalı
6.6.1.3. laborator işlərin təminat planı
6.6.1.4. kabinetdən istifadə cədvəli
6.6.1.5. avadanlığın verilməsi və qaytarılması üzrə təhvil-təslim siyahıları
6.6.1.6. nasazlıq və təmir qeydləri
6.6.1.7. təhlükəsizlik təlimatlandırma qeydləri
6.6.1.8. yarımil və illik qısa analitik arayış

6.6.2. Aşağıdakı formalar kabinet sənədləri qovluğunda saxlanılır və tədris ili üzrə sistemləşdirilir:
6.6.2.1. “Laborator iş sifarişi”
6.6.2.2. “Təhvil-təslim siyahısı”
6.6.2.3. “Nasazlıq və risk bildirişi”
6.6.2.4. “Laborantın gündəlik texniki yoxlama vərəqi”
6.6.2.5. “Fizika fənn kabinetinə baxış vərəqi” (aylıq icra nəzarəti)

6.6.3. “Laborator iş sifarişi”ni dərsi aparan müəllim, “Təhvil-təslim siyahısı”nı isə dərsi aparan müəllim və kabinet müdiri (və ya laborant) birlikdə doldurur. Formlar tədris ili üzrə sistemləşdirilir və məktəbdə müəyyən edilmiş sənəd saxlanma qaydasına uyğun qorunur.

6.6.4. Risk və nasazlıqla bağlı məlumatlandırma “Nasazlıq və risk bildirişi” ilə rəsmiləşdirilir. Zərurət olduqda tədris işləri üzrə direktor müavininə qısa arayış təqdim olunur.

6.6.5. Kabinet üzrə təhlükəsizlik təlimatlandırması məktəbin müəyyən etdiyi qaydada aparılır, qeydlərin sistemləşdirilməsi və saxlanması Kabinet müdiri tərəfindən təmin edilir.

7. Fizika fənn kabinetində giriş-çixış rejimi və avadanlığının saxlanma qaydaları   

7.1. Kabinetə giriş və kabinetdən istifadə məktəbin daxili qaydalarına uyğun təşkil olunur.

7.2. Açar rejimi:
7.2.1. əsas açar Kabinet müdirində saxlanılır
7.2.2. ehtiyat açarın saxlanma yeri direktor tərəfindən müəyyən edilir
7.2.3. açarın üçüncü şəxslərə verilməsi yalnız rəhbərliyin məlumatı ilə mümkündür

7.3. Saxlanma qaydaları:
7.3.1. hər avadanlıq üçün konkret saxlanma yeri müəyyən edilir
7.3.2. riskli avadanlıq ayrıca zonada saxlanılır
7.3.3. şüşə və kövrək hissələr qoruyucu qaydada yerləşdirilir
7.3.4. kabinetdə istifadə olunan avadanlıq və materialların səliqəli yerləşdirilməsi, kabinetin təmizliyi və təhlükəsiz saxlanması təmin edilir

8. Kabinet müdirinin hüquqları 

8.1. Kabinetdə təhlükəsizlik tələblərinin pozulması hallarında aradan qaldırılmasını tələb etmək.

8.2. Nasaz və risk yaradan avadanlığın istifadəsini dayandırmaq və rəhbərliyə arayış təqdim etmək.

8.3. Təchizat, təmir və profilaktika üzrə əsaslandırılmış təklif vermək.

8.4. Laborator işlər üçün müəllimlərdən əvvəlcədən sifariş tələb etmək və tətbiq mexanizmini qorumaq.

8.5. Kabinetdən istifadə qaydalarına əməl olunmadıqda rəhbərliyə məlumat vermək.

8.6. Kabinetin tədris və təhlükəsizlik təminatına mane olan hallar barədə tədris işləri üzrə direktor müavininə yazılı məlumat vermək və tədbir görülməsini tələb etmək.

9. Kabinet müdirinin məsuliyyəti 

9.1. Avadanlığın qorunması və inventar uçotunun düzgün aparılmamasına görə məsuliyyət daşıyır.

9.2. Nasaz və riskli avadanlığın vaxtında ayrılmaması və rəhbərliyə bildirilməməsinə görə məsuliyyət daşıyır.

9.3. Sənədləşmənin aparılmaması və ya qeyri-dəqiq aparılmasına görə məsuliyyət daşıyır.

9.4. Giriş-çıxış və saxlanma intizamının təmin edilməməsinə görə məsuliyyət daşıyır.

9.5. Təlimat tələblərinin pozulması nəticəsində yaranan təşkilati risklər barədə rəhbərliyi vaxtında məlumatlandırmadıqda məsuliyyət daşıyır.

9.6. Qanunvericiliyə uyğun hallarda inventar dəyərlərinə vurulmuş zərərə görə məsuliyyət daşıyır.

10. Kabinet müdirinin işinin qiymətləndirilməsi və icra nəzarəti 

10.1. Kabinet müdirinin fəaliyyəti aşağıdakı meyarlarla qiymətləndirilə bilər:
10.1.1. inventar uçotunun tamlığı və dəqiqliyi
10.1.2. avadanlığın işlək saxlanması və itkinin minimallaşdırılması
10.1.3. laborator işlərin təminatında gecikmələrin olmaması
10.1.4. təhlükəsizlik risklərinin vaxtında aşkar edilməsi və tədbirlərin görülməsi
10.1.5. müəllimlərlə koordinasiyanın sistemliliyi
10.1.6. sənədləşmənin qaydalara uyğun aparılması
10.1.7. kabinetin səliqə və saxlanma rejiminin qorunması

10.2. İcra nəzarəti tədris işləri üzrə direktor müavini tərəfindən aşağıdakı formada həyata keçirilir:
10.2.1. ayda ən azı 1 dəfə kabinetin vəziyyətinə baxış
10.2.2. yarımildə 1 dəfə inventar sənədlərinin seçmə yoxlanması
10.2.3. “Laborator iş sifarişi” və “Təhvil-təslim siyahısı” formalarının aparılmasının monitorinqi
10.2.4. “Nasazlıq və risk bildirişi” və təhlükəsizlik qeydlərinin yoxlanılması
10.2.5. laborantın “Gündəlik texniki yoxlama vərəqi” üzrə qeydlərin seçmə təhlili
10.2.6. zərurət olduqda kabinet müdiri ilə operativ müşavirə və yazılı tapşırıqların verilməsi

10.3. Aparılan baxış və monitorinqlərin nəticəsi üzrə qısa arayış tərtib olunur. Arayışda aşkar edilmiş uyğunsuzluqlar, tapşırıqlar, icra müddəti və cavabdeh şəxslər göstərilir.

10.4. Arayışın bir nüsxəsi kabinet sənədləri qovluğunda saxlanılır.

11. Yekun müddəalər

11.1. Bu Vəzifə Təlimatı təsdiq edildiyi gündən qüvvəyə minir.

11.2. Təlimata əlavə və dəyişikliklər qanunvericiliyə və məktəbin daxili tənzimləmələrinə uyğun olaraq məktəb direktorunun əmri ilə edilir.

11.3. Bu Təlimatın icrasına ümumi nəzarət məktəb direktoruna məxsusdur.

Tanış oldum:

Kabinet müdiri: _______________________ İmza: __________ Tarix: //____
Tədris işləri üzrə direktor müavini: ____ İmza: __________ Tarix: //____
Məktəb direktoru: _____________________ İmza: __________ Tarix: //____

M.Y.