Məktəbdənkənar və Sinifdənxaric işlər üzrə Təşkilatçının vəzifə Təlimatı (layihə)

(Vəzifə təlimatı məktəbin Pedaqoji Şurasının “” ________ 20-ci il tarixli ___ nömrəli iclasının _____№-li qərarı ilə qaəbul edilmiş və məktəb direktorunun “” ________ 20-ci il tarixli ___ nömrəli əmri ilə təsdiq edilmişdir.)

1. Ümumi müddəalar

1.1. Məktəbdənkənar və sinifdənxaric tərbiyə işi üzrə təşkilatçı internat tipli ümumi təhsil məktəbinin pedaqoji işçilərindən biridir və məktəbdə məktəbdənkənar və sinifdənxaric tərbiyə fəaliyyətinin planlaşdırılması, təşkili, icra əlaqələndirilməsi, izlənilməsi və təhlili üzrə fəaliyyət göstərir.

1.2. Məktəbdənkənar və sinifdənxaric tərbiyə işi üzrə təşkilatçı öz fəaliyyətində Azərbaycan Respublikasının Konstitusiyasını, “Təhsil haqqında”, “Ümumi təhsil haqqında”, “Uşaq hüquqları haqqında”, “Gənclər siyasəti haqqında” Azərbaycan Respublikasının qanunlarını, BMT-nin Uşaq Hüquqları haqqında Konvensiyasını, təhsil sahəsinə aid normativ hüquqi aktları, məktəbin nizamnaməsini, daxili intizam qaydalarını, məktəb direktorunun əmr və göstərişlərini, habelə bu vəzifə təlimatını rəhbər tutur.

1.3. Məktəbdənkənar və sinifdənxaric tərbiyə işi üzrə təşkilatçı vəzifəyə qüvvədə olan əmək qanunvericiliyinə uyğun olaraq təyin edilir və vəzifədən azad olunur.

1.4. Məktəbdənkənar və sinifdənxaric tərbiyə işi üzrə təşkilatçı birbaşa məktəb direktoruna tabedir və öz fəaliyyətini məktəbin təsdiq edilmiş iş bölgüsünə uyğun olaraq tərbiyə işləri üzrə direktor müavini ilə funksional əlaqələndirmə şəraitində həyata keçirir.

1.5. Bu vəzifə üzrə ödəniş dərəcələrinə ixtisas tələbi pedaqoji və ya idarəetmə ixtisas sahələri üzrə ali təhsil və azı 3 (üç) il pedaqoji stajdır.

1.6. Əməkhaqqı və digər təminat məsələləri qüvvədə olan normativ hüquqi aktlara, tarif-ixtisas tələblərinə və təsdiq edilmiş ştat cədvəlinə uyğun müəyyən edilir.

1.7. Məktəbdənkənar və sinifdənxaric tərbiyə işi üzrə təşkilatçı öz fəaliyyətində qanunauyğunluq, uşağın ləyaqətinə hörmət, təhlükəsizlik, əməkdaşlıq, tərbiyənin tədrislə vəhdəti, sosial məsuliyyət, inkişafyönlülük, profilaktika və hesabatlılıq prinsiplərini əsas götürür.

2. Məktəbdənkənar və Sinifdənxaric işlər üzrə Təşkilatçı vəzifəsinin məqsədi

2.1. Məktəbdənkənar və sinifdənxaric tərbiyə işi üzrə təşkilatçının vəzifəsinin məqsədi internat tipli ümumi təhsil məktəbində şagirdlərin asudə vaxtını, məktəbdənkənar fəaliyyətini, sinifdənxaric işlərini və ictimai fəallığını tərbiyə məqsədlərinə uyğun istiqamətləndirmək, onların mənəvi-əxlaqi, vətənpərvərlik, hüquqi, estetik, ekoloji, əmək, fiziki və sosial inkişafını dəstəkləyən mütəşəkkil tərbiyə mühiti yaratmaqdır.

3. Məktəbdənkənar və Sinifdənxaric işlər üzrə Təşkilatçının əmək funksiyası

3.1. Məktəbin nizamnaməsinə uyğun olaraq məktəbdə məktəbdənkənar və sinifdənxaric tərbiyə fəaliyyətinin təşkilində iştirak edir və onun icra əlaqələndirilməsini həyata keçirir.

3.2. Sinif rəhbərləri, tərbiyəçilər, uşaq birliyi təşkilatının rəhbəri, psixoloq, kitabxanaçı, dərnək rəhbərləri, valideynlər və digər aidiyyəti şəxslərlə əməkdaşlıq şəraitində şagirdlərin məktəbdənkənar və sinifdənxaric fəaliyyətini təşkil edir.

3.3. Şagirdlərin milli-mənəvi və əxlaqi dəyərlər zəminində formalaşmasına, vətənpərvərlik ruhunda tərbiyə olunmasına, bədii-estetik, texniki, idman, turizm, diyarşünaslıq və ictimai faydalı fəaliyyətlərə cəlb olunmasına təşkilati dəstək verir.

3.4. İnternat rejimi şəraitində şagirdlərin məktəbdənkənar məşğulluğunun, sinifdənxaric işlərinin, mədəni-kütləvi tədbirlərinin və asudə vaxtının məqsədyönlü təşkilini təmin edir.

3.5. Hüquqpozma, zərərli vərdişlər, aqressiv davranış, bullinq, məktəbdaxili risk halları və digər mənfi meyillərin profilaktikasına yönəlmiş maarifləndirici və tərbiyəvi tədbirlərin hazırlanmasında və keçirilməsində iştirak edir.

4. Məktəbdənkənar və Sinifdənxaric işlər üzrə Təşkilatçı bilməlidir

4.1. Məktəbdənkənar və sinifdənxaric tərbiyə işi üzrə təşkilatçı aşağıdakıları bilməlidir:

4.1.1. Azərbaycan Respublikasının Konstitusiyasını;
4.1.2. “Təhsil haqqında”, “Ümumi təhsil haqqında”, “Uşaq hüquqları haqqında”, “Gənclər siyasəti haqqında” Azərbaycan Respublikasının qanunlarını;
4.1.3. BMT-nin Uşaq Hüquqları haqqında Konvensiyasını;
4.1.4. təhsil sahəsinə aid normativ hüquqi aktları;
4.1.5. məktəbdənkənar və sinifdənxaric işin təşkili prinsiplərini;
4.1.6. müasir tərbiyə proqramlarının və fəaliyyət formalarının hazırlanması və tətbiqi yollarını;
4.1.7. qabaqcıl təlim-tərbiyə metodlarını, pedaqogika və pedaqoji psixologiyanın əsaslarını;
4.1.8. uşaqların asudə vaxtının səmərəli təşkili yollarını;
4.1.9. tərbiyənin tədrislə vəhdəti prinsipini;
4.1.10. fəal təlim və sosial-psixoloji ünsiyyət metodlarını;
4.1.11. şagird özünüidarəsinin, dərnək və klub fəaliyyətinin təşkili yollarını;
4.1.12. valideynlərlə və ictimai tərəfdaşlarla işin əsas prinsiplərini;
4.1.13. tədbirlərin planlaşdırılması, təhlükəsizliyi və sənədləşdirilməsi qaydalarını;
4.1.14. informasiya-kommunikasiya texnologiyalarından istifadə tələblərini;
4.1.15. əməyin mühafizəsi, təhlükəsizlik texnikası, sanitariya-gigiyena və yanğından mühafizə norma və qaydalarını.

5. Funksional əlaqələndirmə sahəsi

5.1. Məktəbdənkənar və sinifdənxaric tərbiyə işi üzrə təşkilatçının funksional əlaqələndirmə sahəsinə aşağıdakılar daxildir:

5.1.1. sinif rəhbərləri ilə məktəbdənkənar və sinifdənxaric tərbiyə fəaliyyətinin uzlaşdırılması;
5.1.2. uşaq birliyi təşkilatının rəhbəri (UBTR) ilə şagird təşəbbüsləri, özünüidarə və ictimai fəallıq istiqamətində əməkdaşlıq;
5.1.3. psixoloqla profilaktik, maarifləndirici və inkişafetdirici tədbirlərin əlaqələndirilməsi;
5.1.4. kitabxanaçı ilə mütaliə, ədəbi-bədii, maarifləndirici və mədəni tədbirlərin təşkili;
5.1.5. dərnək, klub, bölmə və layihə fəaliyyətinin təşkili;
5.1.6. məktəbdənkənar fəaliyyət və sinifdənxaric işlərin planlaşdırılması və keçirilməsi;
5.1.7. valideynlərlə iş və ailənin tərbiyəvi tədbirlərə cəlb olunması;
5.1.8. məktəb-ailə-ictimaiyyət əməkdaşlığı çərçivəsində tərbiyəvi fəaliyyətlərin təşkili;
5.1.9. profilaktik və maarifləndirici tədbirlər.

5.2. Bu əlaqələndirmə aidiyyəti əməkdaşların vəzifə funksiyalarını əvəz etmədən, qarşılıqlı əməkdaşlıq və vahid tərbiyə xətti prinsipi ilə həyata keçirilir.

6. Məktəbdənkənar və sinifdənxaric işin təşkili mexanizmi

6.1. Məktəbdənkənar və sinifdənxaric tərbiyə işi planlaşdırma, təşkilatlandırma, icra, izləmə, təhlil və təkmilləşdirmə ardıcıllığı ilə qurulur.

6.2. Təşkilatçı öz fəaliyyətini məktəbin illik fəaliyyət planı, tərbiyə tədbirləri planı, internat rejimi, təqvim tədbirləri və məktəbin prioritet istiqamətləri ilə uzlaşdırır.

6.3. Hər bir tədbir üzrə məqsəd, hədəf qrup, icra forması, məsul şəxslər, təhlükəsizlik tələbləri və gözlənilən nəticələr əvvəlcədən müəyyən edilir.

6.4. Məktəbdənkənar və sinifdənxaric fəaliyyətin təşkili zamanı sinif rəhbərləri, UBTR, psixoloq, kitabxanaçı, tərbiyəçilər, valideynlər və digər aidiyyəti şəxslərlə əlaqələndirilmiş əməkdaşlıq təmin edilir.

6.5. Risk daşıyan və ya xüsusi pedaqoji diqqət tələb edən şagirdlərin müsbət fəaliyyətlərə cəlbi profilaktik məqsədlə ayrıca nəzərə alınır.

7. Məktəbdənkənar və Sinifdənxaric işlər üzrə Təşkilatçının vəzifə öhdəlikləri

Məktəbdənkənar və sinifdənxaric tərbiyə işi üzrə təşkilatçı aşağıdakı vəzifə öhdəliklərini yerinə yetirir:

7.1. Məktəbdə məktəbdənkənar və sinifdənxaric tərbiyə işi üzrə illik, aylıq və zərurət olduqda həftəlik fəaliyyət planlarını hazırlayır və aidiyyəti qaydada təqdim edir.

7.2. Məktəbin iş planı, internat rejimi və tərbiyə prioritetləri nəzərə alınmaqla tədbir və fəaliyyətlərin məzmununu müəyyənləşdirir.

7.3. Sinif rəhbərləri ilə sinifdənxaric işlərin planlaşdırılmasını, sinif kollektivlərinin məktəb tədbirlərinə cəlb olunmasını və tədbirlərin vahid tərbiyə məntiqi əsasında keçirilməsini əlaqələndirir.

7.4. Uşaq birliyi təşkilatının rəhbəri ilə birgə şagird özünüidarəsi, şagird təşəbbüsləri, ictimai fəaliyyət və liderlik bacarıqlarının inkişafına yönəlmiş tədbirlər təşkil edir.

7.5. Psixoloqla birlikdə şagirdlərin yaş xüsusiyyətlərinə uyğun profilaktik, maarifləndirici və inkişafetdirici tədbirlərin hazırlanmasında iştirak edir.

7.6. Kitabxanaçı ilə birlikdə mütaliə, kitab müzakirəsi, ədəbi-bədii gecə, sərgi, guşə, maarifləndirici təqdimat və digər mədəni tədbirlərin keçirilməsini təşkil edir.

7.7. Tərbiyəçilər və dərnək rəhbərləri ilə birlikdə şagirdlərin asudə vaxtının səmərəli təşkilinə, onların yaradıcılıq, idman, sosial və ictimai fəaliyyətlərə cəlb olunmasına şərait yaradır.

7.8. Məktəbdə bayramlar, anım günləri, müsabiqələr, sərgilər, görüşlər, ədəbi-bədii gecələr, vətənpərvərlik tədbirləri, maarifləndirici layihələr və digər kütləvi tədbirlərin təşkilini həyata keçirir və ya həmin işləri əlaqələndirir.

7.9. Ekskursiya, gəzinti, turizm və diyarşünaslıq tədbirlərinin təşkilində iştirak edir, onların tərbiyə məqsədlərinə uyğun qurulmasına nəzarət edir.

7.10. Şagirdlərin mənəvi-əxlaqi, hüquqi, ekoloji, estetik, əmək, fiziki və sağlam həyat tərzi istiqamətlərində maarifləndirici tədbirlər hazırlayır və ya onların keçirilməsini əlaqələndirir.

7.11. Hüquqpozma, zərərli vərdişlər, aqressiv davranış, zorakılıq, bullinq və digər risk hallarının profilaktikasına yönəlmiş tədbirlərin hazırlanmasında və keçirilməsində iştirak edir.

7.12. Şagirdlərin yaş xüsusiyyətlərinə, maraq və ehtiyaclarına uyğun fəaliyyət formalarının seçilməsini təmin edir.

7.13. Valideynlərin məktəb həyatına, tərbiyəvi tədbirlərə və maarifləndirici fəaliyyətlərə cəlb olunmasına dəstək verir, zəruri hallarda valideynlərlə görüş, söhbət və izahat işinin təşkilində iştirak edir.

7.14. Məktəb direktoru ilə razılaşdırılmış qaydada mədəniyyət, gənclər, idman, yaradıcılıq, ictimai və digər tərəfdaş qurumlarla əməkdaşlıq əlaqələrinin qurulmasında iştirak edir.

7.15. Keçirilən tədbirlərin məqsədəuyğunluğunu, iştirak səviyyəsini, məşğulluq göstəricilərini və tərbiyəvi nəticələrini təhlil edir.

7.16. Tədbirlər zamanı şagirdlərin təhlükəsizliyi, intizamı və davranış qaydalarına əməl olunması üzrə aidiyyəti şəxslərlə birlikdə nəzarətin təşkilinə kömək edir.

7.17. Tədbirlər zamanı uşaqların hüquqlarının, ləyaqətinin və təhlükəsizliyinin qorunmasına diqqət yetirir, fiziki və psixoloji zorakılığa, alçaldıcı rəftara və ayrı-seçkiliyə yol verilməməsini təmin edir.

7.18. Məktəbdənkənar və sinifdənxaric tərbiyə işi üzrə planları, arayışları, məlumatları və hesabatları hazırlayır.

7.19. Hər yarımilin və tədris ilinin sonunda fəaliyyətin nəticələrinə dair ümumiləşdirilmiş hesabat hazırlayır və aidiyyəti qaydada təqdim edir.

8.Məktəbdənkənar və Sinifdənxaric işlər üzrə Təşkilatçının hüquqları

Məktəbdənkənar və sinifdənxaric tərbiyə işi üzrə təşkilatçı aşağıdakı hüquqlara malikdir:

8.1. Öz səlahiyyətləri və məktəbdaxili iş bölgüsü çərçivəsində aidiyyəti işçilərə təşkilati tapşırıqlar vermək.

8.2. Tədbirlərin təşkili və keçirilməsi ilə bağlı zəruri məlumat, plan, arayış və digər materialları aidiyyəti şəxslərdən tələb etmək.

8.3. Tədbirlərdə, dərnək və klub məşğələlərində, şagird təşəbbüslərində və digər fəaliyyətlərdə iştirak etmək, müşahidə aparmaq və rəy vermək.

8.4. Məktəbdənkənar və sinifdənxaric işin təkmilləşdirilməsi ilə bağlı məktəb direktoru və tərbiyə işləri üzrə direktor müavini qarşısında təkliflər vermək.

8.5. Şagirdlərin maraq və qabiliyyətlərinin inkişafına xidmət edən yeni tədbir, layihə və fəaliyyət formalarının tətbiqi ilə bağlı təşəbbüs göstərmək.

8.6. Məktəb direktoru ilə razılaşdırılmış qaydada valideynlər, tərəfdaş qurumlar və ictimai təşkilatlarla əməkdaşlıqda iştirak etmək.

8.7. Öz fəaliyyəti üçün zəruri sənədlərlə tanış olmaq və iş təcrübəsinin ümumiləşdirilməsi ilə bağlı təkliflər vermək.

8.8. Seminar, təlim, kurs və digər peşəkar inkişaf proqramlarında iştirak etmək.

9. Məktəbdənkənar və Sinifdənxaric işlər üzrə Təşkilatçının məsuliyyəti

Məktəbdənkənar və sinifdənxaric tərbiyə işi üzrə təşkilatçı aşağıdakılara görə məsuliyyət daşıyır:

9.1. Bu vəzifə təlimatında nəzərdə tutulmuş vəzifələrin yerinə yetirilməməsinə və ya lazımınca yerinə yetirilməməsinə görə.

9.2. Məktəbdənkənar və sinifdənxaric fəaliyyətin zəif təşkili, planların icra olunmaması və təşkilati səhlənkarlığa görə.

9.3. Tədbirlər zamanı təhlükəsizlik, intizam və tərbiyəvi məqsədyönlülük tələblərinin öz səlahiyyətləri daxilində lazımi səviyyədə təmin olunmamasına görə.

9.4. Şagirdlərin hüquqlarının, ləyaqətinin və təhlükəsizliyinin qorunmaması ilə nəticələnən hallara görə.

9.5. Məktəbdənkənar və sinifdənxaric tərbiyə işi ilə bağlı sənədlərin, arayışların, hesabatların və digər materialların düzgün aparılmamasına, təhrif edilməsinə və ya gecikdirilməsinə görə.

9.6. Məxfi və xidməti məlumatların, şəxsi məlumatların qorunmamasına görə.

9.7. Öz səlahiyyətlərini aşan, məktəbin daxili qaydalarına və pedaqoji etika prinsiplərinə zidd hərəkətlərə görə.

10. Əsas sənədləşmə və hesabatlılıq

10.1. Məktəbdənkənar və sinifdənxaric tərbiyə işi üzrə təşkilatçı aşağıdakı əsas işçi sənədlərin hazırlanmasını və aparılmasını təmin edir:

10.1.1. illik fəaliyyət planı;
10.1.2. aylıq iş planı;
10.1.3. tədbir proqramları və təşkilati planlar;
10.1.4. keçirilmiş tədbirlər üzrə arayış və məlumatlar;
10.1.5. şagird məşğulluğu və iştirakına dair işçi qeydlər;
10.1.6. valideynlərlə keçirilən görüş və söhbətlərə dair qeydlər;
10.1.7. yarımillik və illik hesabatlar.

10.2. Məktəbdənkənar və sinifdənxaric tərbiyə işi ilə bağlı sənədlər məktəbdə sənədləşmə üzrə müəyyən edilmiş qaydalara uyğun aparılır.

10.3. Təşkilatçı fəaliyyətin nəticələrinin qiymətləndirilməsi üçün tədbirlərin icra vəziyyəti, iştirak səviyyəsi, şagird məşğulluğu, təşəbbüskarlıq göstəriciləri, valideynlərin cəlb olunma səviyyəsi və tərbiyəvi təsir baxımından təhlil aparır.

11. Qarşılıqlı əlaqə və işin təşkili

11.1. Məktəbdənkənar və sinifdənxaric tərbiyə işi üzrə təşkilatçı fəaliyyətini məktəbin iş rejiminə, internat şəraitinin xüsusiyyətlərinə, təsdiq edilmiş iş bölgüsünə və məktəb direktorunun müəyyən etdiyi qrafikə uyğun həyata keçirir.

11.2. Öz fəaliyyətini illik, yarımillik və aylıq planlar əsasında qurur.

11.3. Məktəb direktoruna, aidiyyəti qaydada isə tərbiyə işləri üzrə direktor müavininə fəaliyyətin gedişi, əsas nəticələr və mövcud problemlər barədə mütəmadi məlumat verir.

11.4. Sinif rəhbərləri, UBTR, psixoloq, kitabxanaçı, tərbiyəçilər, dərnək rəhbərləri və digər aidiyyəti işçilərlə sistemli əməkdaşlıq şəraitində fəaliyyət göstərir.

11.5. Məktəb direktorunun və tərbiyə işləri üzrə direktor müavininin tapşırığı ilə məktəbdənkənar və sinifdənxaric tərbiyə işi ilə bağlı plan, arayış, təqdimat və digər sənədlərin hazırlanmasında iştirak edir.

11.6. Müvəqqəti olaraq işdə olmadıqda onun vəzifələrinin icrası məktəb direktorunun əmri ilə başqa işçiyə həvalə edilə bilər.

12. Yekun müddəalar

12.1. Bu vəzifə təlimatı internat tipli ümumi təhsil məktəbinin daxili istifadəsi üçün hazırlanmış normativ xarakterli işçi sənəddir.

12.2. Vəzifə təlimatı məktəbin nizamnaməsi, daxili intizam qaydaları və qüvvədə olan normativ hüquqi aktlarla birlikdə tətbiq edilir.

12.3. Bu vəzifə təlimatına dəyişiklik və əlavələr qanunvericilikdə baş verən dəyişikliklər, məktəbin fəaliyyətində yaranan yeni ehtiyaclar və tətbiq təcrübəsi nəzərə alınmaqla edilə bilər.

12.4. Vəzifə təlimatı məktəb direktorunun əmri ilə təsdiq edildiyi tarixdən qüvvəyə minir.

12.5. Məktəbdənkənar və sinifdənxaric tərbiyə işi üzrə təşkilatçı bu vəzifə təlimatı ilə imza qarşılığında tanış edilir.

Təlimatla tanış oldum:
Məktəbdənkənar və sinifdənxaric tərbiyə işi üzrə təşkilatçı

İmza: __________________
“_” __________ 20-ci il