Müəllimlər üçün ödənişsiz tibbi müayinələr keçirilib
Təhsilverənlərin rifahının və sağlamlığının qorunmasına yönəlmiş sosial təşəbbüsləri, gənc müəllimlərin fəaliyyətini və maarif ictimaiyyətində həyata keçirilən layihələri izləmək üçün direktor.az-a abunə olun. Təhsil idarəçiliyi siyasəti, müəllim heyətinə göstərilən dövlət və ictimai dəstək mexanizmləri, eləcə də ölkəmizin məktəb mühitində baş verən yeniliklərdən xəbərdar olmaq üçün bizi izləyin.
Azərbaycan Gənc Müəllimlər Assosiyası “Olimp Hospital"-ın birgə təşkilatçılığı ilə Müəllimlər Gününə həsr olunmuş maarifləndirici seminar keçirilib.
Direktor.az xəbər verir ki,
“Müəllimlərin peşə sağlamlığı: risklər, profilaktika və erkən diaqnostika” mövzusunda keçirilən seminarda müəllimlərin gündəlik iş rejiminin səs, dayaq-hərəkət sistemi və damar sağlamlığına təsiri diqqət mərkəzində olub. Seminarda Olimp Hospitalın mütəxəssisləri müəllimlərin peşə fəaliyyəti zamanı qarşılaşdıqları sağlamlıq problemləri, onların yaranma səbəbləri və profilaktikası barədə ətraflı məlumat veriblər. Çıxışlarda səsin intensiv istifadəsi nəticəsində yaranan problemlər, oturaq həyat tərzinin və uzun müddət ayaq üstə işləməyin dayaq-hərəkət sisteminə təsiri, bel, boyun və oynaq ağrıları, eləcə də venoz qan dövranı pozuntuları və varikoz xəstəliyinin əlamətləri müzakirə olunub.
Tədbir interaktiv formatda davam edib. Müəllimlər mütəxəssislərə suallar ünvanlayıb, gündəlik iş həyatında qarşılaşdıqları sağlamlıq problemləri ilə bağlı fikir mübadiləsi aparıb və profilaktik tədbirlərin tətbiqi ilə bağlı tövsiyələr alıblar.
Seminar çərçivəsində müəllimlər üçün ödənişsiz profilaktik tibbi müayinələr də təşkil olunub. Müayinələrin əsas məqsədi iştirakçıların sağlamlıq vəziyyətinin qiymətləndirilməsi və mümkün problemlərin erkən mərhələdə aşkarlanmasının əhəmiyyətinə diqqət çəkmək olub.
Bu mövzu ilə bağlı audio və video izahları, PDF-ləri və testləri əldə etmək istəyirsinizsə abunə ol bölməsinə keçin