OYU-da yeni fakültə dekanı seçilib

Odlar Yurdu Universitetində İngilis dilində tədrisin təşkili fakültəsinin genişləndirilmiş iclası keçirilib.

Direktor.az xəbər verir ki, bu barədə universitetdən bildirilib. İclasın gündəliyində duran əsas məsələ fakültə dekanı vəzifəsinə seçkilərin keçirilməsi olub. Tədbirdə fakültənin akademik heyəti, tədris-köməkçi heyət və universitet rəhbərliyinin nümayəndələri iştirak ediblər. Görüşdə dekan vəzifəsinə namizədlərin çıxışları dinlənilib. Namizədlər ingilis dilində tədrisin keyfiyyətinin daha da yüksəldilməsi, tələbə-müəllim mübadilə proqramlarının inkişafı və fakültənin strateji hədəfləri ilə bağlı öz fəaliyyət proqramlarını şura üzvlərinin diqqətinə çatdırıblar. Əsasnaməyə uyğun olaraq keçirilən gizli səsvermənin nəticələrinə əsasən, PhD Aydın Əliyev Odlar Yurdu Universitetinin İngilis dilində tədrisin təşkili fakültəsinin dekanı vəzifəsinə seçilib.

Odlar Yurdu Universitetinin rəhbərliyi və kollektivi PhD Aydın Əliyevi yeni məsuliyyətli vəzifəyə seçilməsi münasibətilə təbrik edir, ona gələcək elmi-pedaqoji və təşkilati fəaliyyətində uğurlar arzulayır.