Peşəkar Mühasib İmtahanında 378 nəfər iştirak edib, cavablar nə vaxt çıxacaq?
Maliyyə və mühasibatlıq sahəsində ixtisaslaşma imtahanlarını, sertifikatlaşdırma qaydalarını və qiymətləndirmə proseslərinə dair məlumatlar üçün üçün direktor.az-a abunə olun. DİM-in təşkil etdiyi peşə imtahanları, dövlət qulluğu və idarəetmə sahəsindəki ən son xəbərdar olmaq üçün bizi izləməyə davam edin.
Dövlət İmtahan Mərkəzi 27 sentyabr 2026-cı il tarixində peşəkar mühasib sertifikatı imtahanının I mərhələsini keçirib.
Direktor.az xəbər verir ki, imtahan kompüterlər vasitəsilə DİM-in elektron imtahanlar korpusunda və Naxçıvan şəhərində 4 nömrəli orta məktəbdə təşkil olunub. İmtahanın keçirilməsi üçün 6 zal admini, 42 nəzarətçi, 6 buraxılışı rejimi əməkdaşı cəlb olunub.
Maliyyə Hesabatlarının Beynəlxalq Standartları üzrə PMS imtahanı saat 10:00-da başlanıb və 3 saat davam edib. İmtahanda 378 nəfər iştirak edib. Kiçik və Orta Sahibkarlıq Subyektləri üçün Maliyyə Hesabatlarının Beynəlxalq Standartları üzrə PMS və İctimai Sektor üçün Mühasibat Uçotunun Beynəlxalq Standartları üzrə – I, II səviyyə PMS imtahanı isə saat 16:00-da başlanıb.
Namizədlər imtahanı yekunlaşdırdıqda və ya imtahan üçün ayrılan vaxt başa çatdıqda qapalı tipli tapşırıqların nəticələri ilə tanış olmaq imkanına malik olurlar. Yekun imtahan nəticələri yazılı cavab tələb edən tapşırıqların yoxlanılması ilə əlaqədar 6 həftədən sonra elan olunacaq.
Bu mövzu ilə bağlı audio və video izahları, PDF-ləri və testləri əldə etmək istəyirsinizsə abunə ol bölməsinə keçin