Qazax-Tovuz RTİ-nin təşəbbüsü ilə şahmat turniri təşkil olunub
Region məktəblilərinin intellektual inkişafına yönələn tədbirləri, idman yarışlarını izləmək üçün direktor.az-a abunə olun. Təhsil, məktəb həyatı və gənclər sahəsindəki mühüm regional xəbərlərdən daima agah olmaq üçün bizi izləməyə davam edin.
Tovuzda 27 Sentyabr – Anım Gününə həsr olunmuş məktəblilərarası şahmat yarışı baş tutub.
Direktor.az xəbər verir ki, bu barədə Qazax-Tovuz regional təhsil idarəsindən bildirilib. Yeni Azərbaycan Partiyası Tovuz rayon təşkilatı, Qazax-Tovuz Regional Təhsil İdarəsinin Tovuz rayon Təhsil Sektoru və yerli Uşaq-Gənclər İdman-Şahmat Məktəbinin birgə təşəbbüsü ilə 27 Sentyabr – Anım Gününə həsr edilən şahmat turniri təşkil edilib.
Məktəblilər arasında zəka mübarizəsi şəraitində keçən yarışda 60 şahmatçı qələbə uğrunda yarışıb. İştirakçılar yaş kateqoriyalarına əsasən iki fərqli qrupda güclərini sınayıblar.
Gərgin və maraqlı idman mübarizəsinin nəticələrinə əsasən, hər iki qrup üzrə birincilik qazanan qaliblərə kuboklar təqdim edilib. Həmçinin qızlar və oğlanlar arasında fərqlənərək I, II və III pillələrdə qərarlaşan iştirakçılar diplom və medallarla mükafatlandırılıblar.
Bu mövzu ilə bağlı audio və video izahları, PDF-ləri və testləri əldə etmək istəyirsinizsə abunə ol bölməsinə keçin