SDU tələbələri Mingəçevir Su Elektrik Stansiyasına ekskursiya ediblər
Ali məktəblərdə nəzəri tədrisin mədəni-təcrübi dərslərlə zənginləşdirilməsi, tələbələrin yaradıcı inkişafını izləmək üçün direktor.az-a abunə olun. Təhsil ocaqlarımızın fəaliyyəti, ekskursiyalardan xəbərdar olmaq üçün bizi izləyin.
Sumqayıt Dövlət Universitetinin (SDU) Energetika və rəqəmsal texnologiyalar fakültəsinin tələbələri üçün Mingəçevir Su Elektrik Stansiyasına tədris məqsədli ekskursiya təşkil olunub.
Direktor.az xəbər verir ki, bu barədə universitetdən bildirilib. Ekskursiyanın əsas məqsədi tələbələrin nəzəri biliklərinin istehsalat şəraitində möhkəmləndirilməsi, ixtisasları üzrə praktiki bacarıqlarının inkişaf etdirilməsi, əmək bazarının tələblərinə uyğun mütəxəssis kimi yetişmələrinə töhfə vermək və müasir enerji istehsalı texnologiyaları haqqında biliklərinin genişləndirilməsidir. Səfər çərçivəsində tələbələr su elektrik stansiyasının iş prinsipi, elektrik enerjisinin istehsalı mərhələləri, energetik avadanlıqların istismar xüsusiyyətləri və texnoloji proseslərin idarə olunması ilə tanış olublar. Eyni zamanda, nəzəri biliklərin real istehsalat prosesləri ilə əlaqələndirilməsi baxımından praktiki təcrübə əldə ediblər.
Bu mövzu ilə bağlı audio və video izahları, PDF-ləri və testləri əldə etmək istəyirsinizsə abunə ol bölməsinə keçin
