Tibb Universitetinin əməkdaşları Özbəkistanda konfransda iştirak edib
Ali təhsil və elm müəssisələrinin beynəlxalq əlaqələrini, qlobal elmi nailiyyətləri və xaricdə keçirilən mühüm tədbirləri izləmək üçün direktor.az-a abunə olun. Elm və təhsil idarəçiliyi, akademik tərəfdaşlıqlar və beynəlxalq miqyasda həyata keçirilən layihələrlə bağlı xəbərlər üçün bizi izləməyə davam edin.
Özbəkistanın paytaxtı Daşkənddə neyrogenetika sahəsində qlobal yeniliklərə həsr olunmuş “Müasir Neyrogenetika: Genomdan Terapiyaya” adlı beynəlxalq elmi-praktik konfrans təşkil olunub.
Direktor.az xəbər verir ki, Azərbaycan Tibb Universitetinin Nevrologiya kafedrasının əməkdaşları konfransda ölkəmizi təmsil ediblər. Tədbirdə ATU-nun nümayəndə heyətinin tərkibində kafedranın professoru Aytən Məmmədbəyli, assistent Mədinə Tağıyeva və dissertant Yaqut Hüseynli yer alıb. Əməkdaşlar nevrologiya və neyrogenetikanın ən son prioritetləri üzrə hazırladıqları məruzələri xarici həmkarlarının diqqətinə çatdırıblar. Beynəlxalq toplantıda nevrogenetik xəstəliklərin molekulyar-genetik təbiəti, qabaqcıl diaqnostika metodları və innovativ müalicə üsulları müzakirə edilib.
Yerli mütəxəssislərin xarici tədbirlərdə elmi nailiyyətlərini bölüşməsi və beynəlxalq əməkdaşlıq əlaqələrini genişləndirməsi ATU-nun qlobal tibb elminə inteqrasiyası baxımından mühüm əhəmiyyət daşıyır.
Bu mövzu ilə bağlı audio və video izahları, PDF-ləri və testləri əldə etmək istəyirsinizsə abunə ol bölməsinə keçin