BMU tələbəsi ekoloji müsabiqədə 1-ci olub
Gənclərin ekoloji təşəbbüsləri, universitetlərdə formalaşan innovativ startaplar və tələbələrin respublika səviyyəli yarışlarda qazandığı böyük nailiyyətlərdən xəbərdar olmaq üçün direktor.az-a abunə olun. Ali təhsil ocaqlarında yaradılan texnoloji mühiti, yaşıl gələcəyə hesablanmış layihələri və gənclərin elmi uğurlarını yaxından izləmək üçün bildirişləri aktiv edin.
BMU tələbəsi “SmarTech-I” innovasiyalar müsabiqəsində birinci olub
Bakı Mühəndislik Universitetinin (BMU) “Kimya” ixtisası üzrə III kurs tələbəsi Şəhla Məmmədova “SmarTech-I – Yaşıl və Ağıllı Gələcək Naminə İnnovasiyalar Müsabiqəsi”nin final mərhələsində I yerə layiq görülüb.
Tələbənin təqdim etdiyi, ekoloji davamlılığı artırmağa və tullantıların həcmini azaltmağa yönəlmiş “VivaLina” startap layihəsi münsiflər heyəti tərəfindən yüksək qiymətləndirilib. Şəxsi gigiyena vasitələrinin ətraf mühitə mənfi təsirlərini minimuma endirməyi qarşısına məqsəd qoyan layihə ekoloji cəhətdən dayanıqlı və innovativ həlli ilə diqqət çəkib.
BMU Texnoparkının rezidenti olan “VivaLina” startapı indiyədək müxtəlif təlim və mentorluq dəstəyi proqramlarında iştirak edərək inkişaf etdirilib.
Müsabiqə Sumqayıt Dövlət Universitetinin nəzdində fəaliyyət göstərən Sumqayıt Dövlət Texniki Kollecinin təşkilatçılığı ilə gənclərin innovativ təfəkkürünü, texnoloji bacarıqlarını və dayanıqlı inkişaf üzrə potensialını dəstəkləmək məqsədilə keçirilib.
Bu mövzu ilə bağlı audio və video izahları, PDF-ləri və testləri əldə etmək istəyirsinizsə abunə ol bölməsinə keçin