DİM vakansiya elan edir

Dövlət İmtahan Mərkəzinin İmtahanların təşkili və idarəedilməsi departamenti İmtahanların logistikası və imtahan rəhbərləri ilə iş sektorunda məsləhətçi vəzifəsi üzrə vakansiya elan edilir.

Direktor.az xəbər verir ki, bu barədə DİM-dən bildirilib.

Əmək funksiyaları:

- İmtahan rəhbərlərinin anket məlumatlarını toplamaq, yoxlamaq, bazaya daxil etmək və yeniləmək, həmçinin bazadan istifadə üzrə tapşırıqların dəqiq və vaxtında icrasını təmin etmək;

- Yeni imtahan rəhbərlərinin seçilməsi, cəlb olunması, imtahanlar üzrə bölgüsü və fəaliyyətlərinin əlaqələndirilməsi işlərini həyata keçirmək;

- İmtahanlar üçün zəruri məlumatları əvvəlcədən hazırlamaq, resursların səmərəli bölgüsünü planlaşdırmaq və iş proseslərini təşkil etmək;

- İmtahan rəhbərlərinin məlumatlandırılması, təlimatlandırılması və metodiki materiallarla təmin olunmasında iştirak etmək;

- İmtahan materiallarının aidiyyəti bölmələrdən alınmasını, hazırlanmasını və imtahan binalarına çatdırılmasını təşkil etmək, təhlükəsizliyini təmin etmək;

- Daxil olan məlumat və tapşırıqları araşdırmaq, uyğunsuzluqları vaxtında aşkarlamaq və aradan qaldırılması üçün tədbirlər görmək;

- İmtahan zamanı baş vermiş halları sistemli təhlil etmək, həmçinin tətbiq olunan proseslərin yenilənməsi və səmərəliliyinin artırılması üzrə təkliflər vermək;

- Mərkəzin keçirdiyi imtahan, müsahibə və tədbirlərdə iştirak etmək (zal nəzarətçisi, imtahan rəhbəri, Mərkəzin nümayəndəsi qismində və s.).

Tələb olunan bilik və bacarıqlar:

- Ali təhsil;

- Staj tələbi: minimum 1 il;

- Azərbaycan dilini yüksək səviyyədə, ingilis və rus dillərinin hər birini minimum B1 səviyyəsində bilmək;

- MS Windows, MS Office, elektron məlumat bazaları və informasiya sistemləri ilə işləmək bacarığı;

- Analitik düşünmə, effektiv ünsiyyət, planlaşdırma və təşkilatçılıq, komandada işləmək bacarığı, məsuliyyətlilik, dəqiqlik, detallara diqqət və nəticəyönümlülük.

Müraciət qaydası:

Namizədlər 15 noyabr 2026-cı il tarixinədək https://portal.dim.gov.az/HR/ linkinə daxil olaraq “imtahanlar sektoru - məsləhətçi” vakansiyasını seçib elektron müraciət formasını doldurmalı və göndərməlidirlər. Yalnız ilkin seçim tələblərinə cavab verən namizədlərlə əlaqə saxlanılacaqdır.