“İnnovativ məktəb” layihəsinin ilk mərhələsi yekunlaşıb
Pedaqoqların peşəkar inkişafına yönələn beynəlxalq təlimləri, müasir təhsil texnologiyalarını izləmək üçün direktor.az-a abunə olun. Təhsil və məktəb idarəçiliyi sahəsindəki mühüm innovativ təşəbbüslərdən, rəsmi elanlardan xəbərdar olmaq üçün bizi izləməyə davam edin.
Azərbaycanda müəllimlər üçün "İnnovativ məktəb" layihəsinin ilk mərhələsi yekunlaşıb.
Direktor.az xəbər verir ki, bu barədə Təhsil İnstitundan bildirilib. Elm və Təhsil Nazirliyinin İsrailin məşhur "ORT İsrail" məktəblər şəbəkəsi ilə birgə tərəfdaşlığı əsasında reallaşdırılan "İnnovativ məktəb" təşəbbüsü üzrə ilkin təlim sessiyaları uğurla başa çatıb.
31 avqust – 4 sentyabr tarixlərində STEAM İnnovasiya Mərkəzində baş tutan proqrama ümumilikdə 23 təhsil ocağından 43 müəllim cəlb olunub. Sessiyalar zamanı pedaqoqlar süni intellekt əsrində dərslərin təşkili, oyunlaşdırma (qeymifikasiya) prinsipləri və layihəyönümlü öyrənmə metodikaları üzrə həm nəzəri, həm də praktiki bacarıqlara yiyələniblər. Eyni zamanda, qazanılan müasir yanaşmaların bilavasitə tədris prosesinə inteqrasiyası istiqamətində interaktiv fikir mübadiləsi aparılıb.
Təlim çərçivəsində iştirakçılar komanda işlərinə qoşularaq şagird səriştələrinin müasir qiymətləndirilməsi və problemlərin innovativ həlli yollarını sınaqdan keçiriblər. Pedaqoqlar, həmçinin dərslərdə tətbiq üçün nəzərdə tutulan "Makey Makey" elektron dəstləri və "Scratch" vizual proqramlaşdırma mühitinin imkanlarını təcrübədə yaxından araşdırıblar.
Qeyd edək ki, layihənin davamı olaraq növbəti mərhələnin cari ilin oktyabr və noyabr aylarında birbaşa İsraildə keçirilməsi planlaşdırılır.
Bu mövzu ilə bağlı audio və video izahları, PDF-ləri və testləri əldə etmək istəyirsinizsə abunə ol bölməsinə keçin