Məktəb Liderliyi 3 - Səmərəli ünsiyyət bacarığı Situasiyalı testlər

 3. Səmərəli ünsiyyət bacarığı

Səmərəli ünsiyyət məktəb liderliyinin əsas şərtlərindən biridir. Məktəb direktoru fikrini aydın ifadə etmədikdə düzgün qərar belə əməkdaşlar tərəfindən yanlış başa düşülə bilər. Ünsiyyət yalnız məlumat vermək və tapşırıq çatdırmaqdan ibarət deyil. O, qarşı tərəfi dinləməyi, məsələni izah etməyi, sualları cavablandırmağı və qarşılıqlı anlaşma yaratmağı da əhatə edir. Səmərəli ünsiyyətin nəticəsində müəllim, şagird və valideyn ondan nə gözlənildiyini düzgün anlayır. Bu isə məktəbdə fəaliyyətlərin daha əlaqəli və məsuliyyətli təşkil olunmasına kömək edir.