Məktəblilər Bolqarıstanda Elm Olimpiadasında iştirak edəcəklər
Azərbaycanı beynəlxalq arenada təmsil edəcək istedadlı şagirdlərin hazırlıq prosesini, elmi yarışları və təhsil sahəsindəki yenilikləri izləmək üçün direktor.az saytına abunə olun. Elm və təhsil gündəmindəki hadisələrdən, müsabiqələrdən və aktual xəbərlərdən agah olmaq üçün bizi izləməyə davam edin.
Yeniyetmələrin Beynəlxalq Elm Olimpiadasına seçim prosesi başlayıb.
Direktor.az xəbər verir ki, bu barədı Azərbaycan Respublikasının Təhsil İnstitutu məlumat yayıb. ARTİ Yeniyetmələrin Beynəlxalq Elm Olimpiadası (IJSO) üzrə milli komandanın formalaşdırılması məqsədilə ilkin seçim imtahanı keçirilib. Sentyabrın 26-da təşkil olunan imtahanda şagirdlərin fizika, kimya və biologiya fənləri üzrə bilik və bacarıqları qiymətləndirilib.
Yarış qaydalarına əsasən, birinci mərhələdə ən yüksək bal toplayan 14 məktəbli növbəti mərhələ üçün xüsusi intensiv hazırlıq proqramına cəlb ediləcək. Bir neçə həftəlik təlimlərdən sonra keçiriləcək ikinci seçim imtahanının nəticələrinə uyğun olaraq ölkəmizi beynəlxalq arenada təmsil edəcək yekun heyət müəyyənləşəcək. Seçilən istedadlı şagirdlər olimpiadaya qədər hazırlıqlarını davam etdirəcəklər.
Qeyd edək ki, yeniyetmələrin qlobal miqyaslı elm yarışı bu il 2–9 dekabr tarixlərində Bolqarıstanda baş tutacaq. İmtahan nəticələri ilə maraqlanan iştirakçılar rəsmi məlumatları arti.edu.az saytından əldə edə bilərlər.
Bu mövzu ilə bağlı audio və video izahları, PDF-ləri və testləri əldə etmək istəyirsinizsə abunə ol bölməsinə keçin