Mil-Muğan RTİ: “PeşəFest 2026” keçiriləcək

Saatlı rayonunda gənclərin əmək bazarına inteqrasiyasını dəstəkləmək və gələcək karyera seçimlərinə bələdçilik etmək məqsədilə “PeşəFest 2026” festivalı keçiriləcək. 

Direktor.az xəbər verir ki, bu barədə Mil-Muğan Regional Təhsil İdarəsindən bildirilib.

Tədbir 7 oktyabr tarixində saat 12:00-da Saatlı Rayon İcra Hakimiyyətinin qarşısındakı meydanda start götürəcək. 

Festival iştirakçıları müxtəlif müasir ixtisas və sənət sahələri ilə əyani şəkildə tanış olmaq, praktiki fəaliyyətlərdə bacarıqlarını sınamaq imkanı qazanacaqlar. Həmçinin proqram çərçivəsində təcrübəli mütəxəssislərlə görüşlər, peşəkar müzakirələr və yeni iş/təcrübə fürsətlərinin təqdimatı nəzərdə tutulur. 

Öz potensialını kəşf etmək və düzgün karyera istiqaməti müəyyənləşdirmək istəyən hər kəs festivala qatıla bilər.