Öz düşüncəsini görən şagird: metakoqnisiya sinifdə necə işləyir? TDF-nun materialları, məktəb situasiyaları ilə

Şagirdə necə öyrəndiyini öyrətməyin yolları: anlayışlar, sinif təcrübəsi və müəllim üçün tövsiyələr

Məqalə İngiltərədə fəaliyyət göstərən Təhsilə Dəstək Fondunun materialları əsasında hazırlanmışdır.(direktor.az)

Eyni dərsi dinləyən iki şagirddən biri mövzunu tez mənimsəyir, digəri isə harada çaşdığını belə izah edə bilmir. Bu fərqin əsas səbəblərindən biri şagirdin öz öyrənməsini nə dərəcədə dərk etməsi və idarə edə bilməsidir. Pedaqogikada bu bacarıq metakoqnisiya və öyrənmənin özünütənzimlənməsi adlanır. Psixologiya və təhsil sahəsində aparılan çoxsaylı araşdırmalar bu bacarıqların şagirdin uğurlu öyrənməsi üçün həlledici rol oynadığını göstərir. Məqalə Böyük Britaniyanın Education Endowment Foundation təşkilatının bu mövzuda hazırladığı metodik vəsaitin birinci hissəsinə əsaslanır (vəsaitin rəsmi səhifəsi). Burada əsas anlayışlar sadə dillə izah olunur, sinifdən nümunə təhlil edilir və müəllim üçün praktik istiqamətlər verilir.