Pedaqoji kollektivdə münaqişələr: I hissə. Münaqişə necə yaranır və onun qarşısını necə almaq olar ? Məktəb situasyaları

"Məktəbdə münaqişələr və onların həlli yolları" kitabımdan.

Elşən Qafarov -Məktəbşünas

Fikir ayrılığı nə vaxt münaqişəyə çevrilir. Müəllimlərin eyni məsələyə fərqli baxması birgə işin təbii halıdır. Dərsin təşkili, qiymətləndirmə və məktəbdaxili tədbirlər barədə müxtəlif təkliflər çox vaxt daha düzgün qərar verməyə kömək edir. Problem fərqli fikrin deyilməsində deyil, onun necə qarşılanmasındadır. İşə aid etiraz şəxsi ittihamla qarşılandıqda söhbət həll yolundan uzaqlaşır. Məsələn, müəllim dərs cədvəlində uyğunsuzluq olduğunu deyirsə, bu, rəhbərliyə qarşı çıxmaq kimi qiymətləndirilməməlidir. Direktor əvvəlcə etirazın məzmununu və əsasını öyrənməli, yalnız bundan sonra qərarı saxlamaq və ya dəyişmək barədə mövqe bildirməlidir. Belə yanaşmada müəllim fikrini hörmət çərçivəsində deyə bilir, rəhbər isə diqqətindən yayınmış problemi vaxtında görür. Kollektivdə hamıya aydın olmalıdır ki, işlə bağlı fikir bildirmək mümkündür, təhqir, istehza və alçaltma isə qəbul edilmir.