Riyaziyyat fənni üzrə imtahan keçiriləcək - Təhsil İnstitutu

Oktyabrın 11-i saat 10:00-da Təhsil Texnologiyaları Mərkəzində riyaziyyat fənni üzrə seçim imtahanı keçiriləcək.

Direktor.az xəbər verir ki, bu barədə Təhsil İnstitutundan bildirilin. İmtahanın nəticələrinə əsasən bu fənn üzrə növbəti hazırlıq və seçim mərhələlərinə cəlb olunacaq şagirdlər müəyyənləşdiriləcək.

İmtahanda aşağıdakı meyarlara uyğun şagirdlər iştirak edə bilərlər:

- 9-cu sinifdə təhsil alan və 2025–2026-cı tədris ili üzrə Respublika Fənn Olimpiadasının riyaziyyat fənni üzrə qalibləri;

- 8-ci sinifdə təhsil alan və 2025–2026-cı tədris ili üzrə Respublika Fənn Müsabiqəsinin riyaziyyat fənni üzrə qalibləri.

2025–2026-cı tədris ili üzrə Respublika Fənn Müsabiqəsinin (RFM) riyaziyyat fənni üzrə qalibi olmuş və hazırda 7-ci sinifdə təhsil alan şagirdlər birbaşa aşağı yaş qrupu üzrə hazırlıq dərslərinə cəlb ediləcəklər. Bu səbəbdən həmin şagirdlərin seçim imtahanında iştirak etmələrinə ehtiyac yoxdur.

İmtahan saat 10:00-da başlayacaq. İştirakçıların ən gec saat 09:30-da imtahan mərkəzində olmaları xahiş edilir. Şagirdlər imtahana gələrkən özləri ilə şəxsiyyət vəsiqəsi gətirməlidirlər.

Ünvan: Təhsil Texnologiyaları Mərkəzi, Bakı şəhəri, Nərimanov rayonu, Fətəli Xan Xoyski küçəsi 109