Təhsildə Keyfiyyət Təminatı Agentliyinin sədri vətəndaşları qəbul edib

30 oktyabr 2026-cı il tarixində Təhsildə Keyfiyyət Təminatı Agentliyinin İdarə Heyətinin sədri Tural Əhmədov qəbul qrafikinə uyğun olaraq vətəndaşlarla görüşüb.

Direktor.az xəbər verir ki, bu barədə Təhsildə Keyfiyyət Təminatı Agentliyindən bildirilib. Qəbul zamanı vətəndaşların müraciətləri dinlənilib. İdarə Heyətinin sədri tərəfindən müraciətlərin araşdırılması və qaldırılan məsələlərin qanunvericiliyə uyğun həlli istiqamətində aidiyyəti üzrə müvafiq göstərişlər verilib.

Qeyd edək ki, oktyabr ayı üzrə qəbul cədvəlinə uyğun olaraq, Agentliyin rəhbərliyi və struktur bölmə rəhbərləri tərəfindən 4 dəfə olmaqla, 45 vətəndaşın qəbulu həyata keçirilib.

Məlumat üçün bildiririk ki, vətəndaşlar qəbula yazılmaq üçün 146-8 Çağrı Mərkəzinə zəng edərək qeydiyyatdan keçə bilərlər.