ADPU məzunlarının 89%-i MİQ-də uğur qazanıb
Müəllimlərin işə qəbulu prosesini, pedaqoji sahədəki ən son yenilikləri izləmək üçün direktor.az-a abunə olun. Təhsil islahatlarını və müsabiqələrlə bağlı mühüm elanları qaçırmamaq üçün bildirişləri aktiv edin.
ADPU-nun builki məzunlarının böyük əksəriyyəti MİQ imtahanlarında uğur qazanıb.
Direktor.az xəbər verir ki, bu barədə Azərbaycan Dövlət Pedaqoji Universitetindən bildirilib. ADPU cari il üzrə bakalavriat səviyyəsini bitirən məzunları Müəllimlərin İşə Qəbulu (MİQ) imtahanlarında yüksək nəticə nümayiş etdiriblər. Açıqlanan statistik məlumatlara əsasən, 2026-cı ildə ali təhsil ocağının bakalavriat pilləsini normativ təhsil müddətində başa vuran 2 278 məzundan 1 163 nəfəri əmək bazarına daxil olub. Onlardan 901 nəfəri bilik və səriştəsini MİQ sınaqlarında sınayıb.
İmtahan verənlərin 805 nəfəri — yəni 89 faizi zəruri keçid balını toplayaraq vakansiya seçimi mərhələsinə vəsiqə əldə edib.
Bu mövzu ilə bağlı audio və video izahları, PDF-ləri və testləri əldə etmək istəyirsinizsə abunə ol bölməsinə keçin