Bu universitetlərin rektorları Ankarada ölkəmizi təmsil edir
Türkiyənin Ankara şəhərində keçirilən 8-ci Beynəlxalq Türk Dünyası Turizm Konqresində yerli universitetlərimizin təmsil olunması, birgə elmi layihələri izləmək üçün direktor.az-a abunə olun. Universitetlərarası beynəlxalq əməkdaşlıq, elmi diplomatiya və təhsil idarəçiliyi sahəsindəki yeniliklərdən xəbərdar olmaq üçün bizi izləməyə davam edin.
25–27 sentyabr tarixlərində Türkiyənin paytaxtı Ankara şəhərində keçirilən 8-ci Beynəlxalq Türk Dünyası Turizm Konqresində ölkəmiz təmsil olunur. Tədbir çərçivəsində Qarabağ Universitetinin rektoru Şahin Bayramov, Azərbaycan Turizm və Menecment Universitetinin rektoru İlham Mədətov, Azərbaycanın Türkiyədəki Səfirliyinin təhsil məsələləri üzrə müşaviri Müjdat Həsənov, həmçinin respublikamızın aparıcı ali təhsil və elmi-tədqiqat müəssisələrindən olan professor-müəllim heyəti və tədqiqatçılar iştirak edirlər.
Səfər proqramı çərçivəsində rektorlar Şahin Bayramov və İlham Mədətov Azərbaycan Respublikasının Türkiyə Respublikasındakı fövqəladə və səlahiyyətli səfiri Rəşad Aslanov tərəfindən qəbul edilib.
Diplomatik nümayəndəlikdə baş tutan görüşdə iki qardaş ölkə arasında ali təhsil sahəsində formalaşan əməkdaşlığın gələcək inkişaf perspektivləri, universitetlərarası birbaşa akademik əlaqələrin daha da gücləndirilməsi və hazırda icra olunan birgə layihələrin mövcud vəziyyətinə dair geniş fikir mübadiləsi aparılıb.
Bu mövzu ilə bağlı audio və video izahları, PDF-ləri və testləri əldə etmək istəyirsinizsə abunə ol bölməsinə keçin