Cəbrayıl Rayon İcra Hakimiyyətinin Başçısı yüksək bal toplayan məzunlarla görüşüb

Cəbrayılda yüksək bal toplayan məzunlarla görüş keçirilib

Ali təhsil müəssisələrinə qəbul imtahanlarında 600-dən çox bal toplayaraq tələbə adını qazanan Cəbrayıl rayon ümumtəhsil məktəblərinin məzunları ilə təntənəli görüş təşkil olunub. Tədbirdə Cəbrayıl Rayon İcra Hakimiyyətinin başçısı Kamal Həsənov, rayon üzrə təhsil sektorunun müdiri Zamiq Qurbanov, ümumi təhsil müəssisələrinin rəhbərləri və yüksək nəticə göstərmiş gənclər iştirak ediblər.

Görüşdə çıxış edən rəsmilər qazanılan böyük nailiyyət münasibətilə gəncləri təbrik edib, onlara gələcək ali təhsil pilləsində və şəxsi inkişaflarında yeni müvəffəqiyyətlər arzulayıblar. Tədbirin sonunda fərqlənən tələbələrə xatirə hədiyyələri təqdim edilib.

Qeyd edək ki, bu tədris ilində Cəbrayıl rayonunun ümumtəhsil məktəblərini bitirən 20 məzun 600 bal həddini aşaraq ölkənin müxtəlif ali məktəblərinə qəbul olmağa müvəffəq olub.