Məleykə Abbaszadə Türk Dövlətlərinin Beynəlxalq konfransında iştirak edib

Məleykə Abbaszadə sentyabrın 16-da Bakıda keçirilən “Türk Dövlətlərinin Aparıcı Milli Analitik Mərkəzlərinin II Beynəlxalq Konfransı”nda iştirak edib.

O bildirib ki, belə mərkəzlərin ən böyük dəyəri yeni ideyaların meydana çıxması, müxtəlif proqnozların müzakirə edilməsi və onların həyata keçirilməsi perspektivlərinin birlikdə dəyərləndirilməsidir. Lakin hesab edirəm ki, türk dövlətləri arasında inteqrasiyanın real və davamlı nəticələri bu ideyaların institusional əməkdaşlığa çevrildiyi zaman yaranır.

İqtisadiyyat, nəqliyyat, rəqəmsallaşma və innovasiya türk dünyasının yaxınlaşmasının mühüm istiqamətləridir. Bununla yanaşı, bu inteqrasiyanın mərkəzində insan dayanır. Təhsil, qiymətləndirmə, dövlət qulluğu, peşəkar bacarıqların inkişafı və ümumilikdə insan kapitalı sahəsində fəaliyyət göstərən institutlar arasında birbaşa və davamlı əməkdaşlıq ortaq gələcəyimizin formalaşmasında xüsusi əhəmiyyət daşıyır.