Müəllimlərin nəzərinə: Yeni dərsliklərlə bağlı vebinarlar keçiriləcək

Azərbaycan Respublikasının Təhsil İnstitutu 2025–2026-cı tədris ilində ümumtəhsil məktəblərində ilk dəfə istifadəyə verilən yeni nəsil dərsliklərin tədrisi ilə bağlı onlayn görüşlərə start verir. 

Direktor.az xəbər verir ki, 8 yeni dərslik üzrə təşkil ediləcək canlı vebinarlarda dərsliklərin məzmun yenilikləri, həmçinin tədris metodikasındakı müasir yanaşmalar ətraflı şəkildə təhlil olunacaq. Layihənin əsas qayəsi dərslik müəllifləri ilə fənn müəllimləri arasında birbaşa dialoq və təcrübə mübadiləsi mühiti formalaşdırmaqdır. İnteraktiv formatda baş tutacaq sessiyalarda müəllimləri maraqlandıran suallar dərslik müəllifləri tərəfindən cavablandırılacaq. 

Vebinarlar institutun rəsmi "Facebook" səhifəsindən canlı yayımlanacaq və hər gün saat 15:00-da başlayacaq. 

Vebinarların qrafiki və mövzuları:

12 oktyabr: Azərbaycan dili (7-ci sinif) – Spikerlər: Rafiq İsmayılov, Nübar Abasova 

13 oktyabr: Riyaziyyat (7-ci sinif) – Spikerlər: Zaur İsayev, Günay Hüseynzadə, Məhəmməd Kərimov, Kürşad Ərbaş 

14 oktyabr: Həyat bilgisi (4-cü sinif) – Spikerlər: Elşad Yunusov, İlahə Tağıyeva 

15 oktyabr: İngilis dili (7-ci sinif) – Spikerlər: Ülkər Babayeva, Aygün İsgəndərova, Mədinə Talıbova 

19 oktyabr: Coğrafiya (8-ci sinif) – Spikerlər: Famil Ələkbərov, Şərafət Hüseynli, Nərminə Seyfullayeva 

20 oktyabr: Biologiya (9-cu sinif) – Spikerlər: Elşad Yunusov, Rəşad Səlimov 

21 oktyabr: Fizika (9-cu sinif) – Spikerlər: Dünyamalı Məmmədov, Əli Ağacanlı, Zamir Dadaşov 

22 oktyabr: Kimya (9-cu sinif) – Spikerlər: Elşad Abdullayev, Elmar İmanov 

Müvafiq fənləri tədris edən pedaqoji heyət canlı yayımlara qoşularaq dərslik müəlliflərinə suallarını ünvanlaya və müzakirələrdə fəal iştirak edə bilərlər.