Türkiyədə universitetlərin davamlı inkişafda rolu müzakirə edilib
Ali təhsil sahəsindəki qlobal tərəfdaşlıqları, beynəlxalq əlaqələrin genişlənməsini izləmək üçün direktor.az-a abunə olun. Təhsil sektorundakı beynəlxalq layihələr, akademik yeniliklərdən xəbərdar olmaq üçün bizi izləyin.
Türkiyənin Antalya şəhərində keçirilən COP31 çərçivəsində Azərbaycan pavilyonunda “Universitetlərin iqlimə yönəlmiş davamlı inkişafda rolu: qlobal əməkdaşlıq və birgə iqlim fəaliyyəti” mövzusunda panel müzakirələri təşkil olunub.
Direktor.az AZƏRTAC-a istinadla xəbər verir ki, Türkiyənin Ege Universitetinin təşkilati dəstək verdiyi tədbirin iştirakçıları müasir ali təhsil ocaqlarının elmi tədqiqatlar, təhsil proqramları, ekoloji kampuslar və ictimai əməkdaşlıq vasitəsilə iqlim dəyişikliyi ilə mübarizənin və davamlı inkişafın əsas hərəkətverici qüvvəsi olduğunu qeyd ediblər.
Azərbaycan Dövlət Aqrar Universitetinin (ADAU) rektoru Zaur Qurbanov, Türkiyənin Ege Universitetinin rektoru Musa Alcı və digərləri Türkiyə ilə Azərbaycan universitetlərinin uğurlu əməkdaşlığının daha da dərinləşdirilməsinin əhəmiyyətini vurğulayıblar.
ADAU ilə Ege Universiteti (İzmir) arasında beynəlxalq ikili diplom proqramı həyata keçirildiyi qeyd olunub. Belə ki, təhsilin 3 ili Gəncədə (ADAU-da), son 1 ili isə İzmirdə (Ege Universitetində) keçirilir.
Ege Universitetinin rektoru Musa Alcı beynəlxalq ikili diplom proqramının təhsil sahəsində Azərbaycan-Türkiyə qardaşlığının simvolu olduğunu deyib.
M.Alcı universitetlərin həm nəzəri biliklər yaradan, həm də bu bilikləri praktiki həllərə çevirən, cəmiyyətə nümunə olan baza adlandırıb.
Ege Universitetinin rektoru, həmçinin Türk Dövlətləri Universitetlərinin Kollektiv Davamlılıq Şəbəkəsinin yaradılmasını təklif edib.
Bu mövzu ilə bağlı audio və video izahları, PDF-ləri və testləri əldə etmək istəyirsinizsə abunə ol bölməsinə keçin
